[ccna.and.mcse]

المشاركة الأصلية كتبت بواسطة اسلام اسو

انا عمرى مشفت عالم خريج حاسبات ولا ايه يعنى اينشتين ده صاحب النظريات وعلماء الفيزياء والكيمياء اللى خلونا نفهم حاجات كتيرة ونيوتن واحمد زويل والناس دى كلها هما اللى قدموا العالم كله

كفاية ان عمر كلية 10 سنوات من أول دفعة خرجت و فيها ناس وصلت لمناصب خلال 10 سنين هيطلع منها علماء متقلقش و فية بالفعل علماء مصريين بس مش عليهم إسكوب إعلامى

ثانيا و الأهم هندسة كلية قديمة خلاص ماتت كلية تقليدية بتاع حفر و طوب و رمل و زلط و دواير كهربية دة كلام خلاص بقى قديم و مبقاش تقنية .. و كلية العلوم كلية بتاع مواد و جولوجيا فبرضو كلية قديمة

و مصر مش هتخرج من البروقراطية الا بحساسبات و جيش مصر مش هيبقى محترم الا لما يبقى جيش معلوماتى فكل فروع العلم كوم و حاسبات و معلومات كوم تانى .. جميع فروع العلم الطب الصيدلة الهندسة العلوم التجارة الزراعة و الرى و التعليم دى كلها مجالات لكن مش هتبقى مجالات محترمة الا لما حاسبات تطورها .. خلاف ذلك هتبقى مجالات قديمة و بالية

ملحوظة حاسبات و معلومات مبتدرس برمجة الكلام دة جهل .. حاسبات و معلومات بتدرس هندسة البرمجيات و المعلومات بكل فروعها من ضمنها على سبيل المثال لا الحصر نظم الذكاء الإصطناعى - البرمجيات الصناعية - الرسم بالحاسب و نظم المالتيمديا - الواقع الإفتراضى - النظم الخبيرة - المعالجات - نظم و قواعد البيانات و المعرفة - نظم المعلومات الجغرافية - التنقيب عن البيانات - نظم الشبكات و أمن المعلومات - أنظمة النمذجة و المحاكاة - ادارة الأزمات المعلوماتية - نظم دعم و اتخاذ القرار الذكية و المعلوماتية - و فروع كتير اوى من الحاسبات و المعلومات عدد لا نهائى و كل فرع من دول لة عدد كبير من الأفرع الفرعية .. ياريت تعرف أكتر عن كلية الحاسبات و المعلومات أعظم كلية فى التاريخ