[احبكـ ربى]

المشاركة الأصلية كتبت بواسطة 222ahmed222

بسم الله الرحمن الرحيم
طبعاً الزواج دا شيء حيوي واساسي في استمرار الحياه ومع غلو الأسعار وحالة الأقتصاد المنخفضه للشباب
شايفين ايه الطلبات المثاليه ال ممكن تتطلب من عريس لما يروح يتقدم لواحده عشان يتجوزها؟؟
يعني مثلاً شبكه حوالي كام جرام دهب؟
طبعاً ف الإسلام الشبكه ليست إلا هدية العريس للعروسه يعني المفروض هو بيجيبها زي مايحب لأنّها هديه وطبيعي مفيش حد بيطلب من حد هديته
بس عرف المجتمع دلوقتي خلى الموضوع دا من مطلوبات الحياه
فلو هنتكلم في الواقع العريس لما يتطلب منه شبكه
شايفين الشبكه الكويسه في حدود كام جرام؟
لو مثلاً هنتكلم عن الدهب عيار 21
وهو النهارده سعره تقريباً 274 جنيه للجرام
وغير المصنعيه يعني تقريباً هيدخل ف 300 جنيه للجرام
فعلى السعر دا شايفين العريس المفروض يجيب كام جرام؟؟!!
واقولكم على مثال حصل قدامي وعايز رأيكم فيه هل دا كتير ولا قليل
واحد راح اتقدم لبنت اهلها قالوله عايزين منك 150 جرام دهب
فهو وافق وعملوا الخطوبه وكانت متحدد معاد الفرح بعد العيد على طول
جه بيزورهم السبوع ال فات ام العروسه قالتله احن عايزين نكتب القايمه
فقالها ماشي انا هكتب ف القايمه 120 جرام دهب وكدا كويس اوي
راحت هي قالتله لا بنتي مش هيتكتبلها اقل من 300 جرام دهب في الشبكه!!
المهم الولد مقدرش يوافق على القايمه دي
وراحوا سابوا بعض قبل الفرح بتلات اسابيع لأن الفرح كان هيبقى يوم 23 اغسطس الجاري
وبعد ما كانوا حاجزين القاعه والكوشه والكوافير وكل حاجه ودعوا الناس
اتفسخت خطوبتهم عشان الموضوع دا
مع العلم إن أسرة العروسه كانت في حاله ماديه جيده أما الآن ليست كذلك على الإطلاق ووالدها متوفي
وليست بالفتاة الفاتنه يعني
فإنتم شايفين اولاً 150 جرام شبكه دا كتير ولا قليل؟؟؟
ولو شايفينه عادي طب ايه رأيكم في موضوع انهم يكتبوا 300 جرام في القايمه؟؟؟؟!!!!
ياريت اشوف مشاركتكم ونتناقش نقاش هادف في الموضوع دا

السلام عليكم ورحمة الله وبركاته
لاحول ولاقوة الا بالله العلى العظيم
فعلا اخى الفاضل ..
تناولت موضوعا فى غاية الاهمية ..
واصبح مشهوورا بدرجة غريبة ..
على الرغم من ان الرسول
صل الله عليه وسلم
قال :
(( اذا جاءكم من ترضون دينه وخلقه فزوجوه ))
فللاسف لاينظر الاباء الى هذه النقطة
وهى نقطة(( الدين والخلق ))
بل ينظرون الى الماديات فقط ..
ولاحول ولاقوة الا بالله ..
ونسأل الله السلامة ..
ولكن احيانا يكون الاب متخوف جدا على ابنته
وخصوصا اذا كانت ابنة وحيدة
فيغلى ثمن الشبكه وغيرها من اساسيات الزواج
ولكن .. اذا كان الاب واثقا حقا فى الانسان الذى سيعطى له ابنته
يجب الا يحمل عليه هذا العبء الثقيل ..
وهو (( كيف سأدفع كل هذا ؟ ))
ويمكن ان يصل الموضوع بين الخطيب والمخطوبه الى الانفصال
بسبب هذا الموضوع
وللأسف لايعلم الاب انه بهذا يشبه ابنته بالسلعة
التى تباع وتُشترى !!
ولاحول ولاقوة الابالله
وأخيرا ...
واسأل الله ان يعف كل شباب المسلمين
وجزاكم ربى خير الجزاء