[ام حفصه]

انا شايفه انا ضعفنا احنا هو السبب لان لا يضيع حق ورائه مطالب وعلى حسب دايرة معرفتى داخل المدرسه فانا استطيع ان اخبركم كاحصائيه بسيطه كده
اولا المدرسين القدامى بيقولوا اييييييييييييييه احنا كنا فين وبقينا فين ده كده رضا اوى والمرتب بقى سترنا بعد الكادر على فكرة انا مدرسه قانون فى مدرسه دبلوم تجارة واغلب القدامى دول عندهم مشاريع تجاريه بسيطه بتساعدهم على المعيشهمن الاخر كده عندهم خنوع وبرود رهييييييييييييب

ثانيا اللى بعدهم بقى متوسطى العمر اغلبهم ان لم يكن معظمهم فهم ستات مدرسات بيطالبوا فى المساواه فى كل شئ الا انهم يتبهدلوا ويعتصموا وينزلوا الشارع لافى دى بقى احنا ستات مينفعش نقول كده او نعمل كده

ثالثا بقى زمايلى دفعتى فدول تحسوا انهم مغيبين خالص وبرده مكبرين وعندهم اشغال تانيه لا تليق بمعلم اجيال بس هيعملوا ايه شباب وعايز يكون نفسه ويتجوز ويفتح بيت

دى احصائيه بسيطه لمستها فى مدرستى وده اللى خلانى اخترت ان احنا السبب مش حد تانى

نعيب زماننا والعيب فينا وما لزماننا عيب سوانا