[الآمبراطور المصرى]

المشاركة الأصلية كتبت بواسطة nice time

لماذا كل هذا الحقد والكراهية
فتصبر يا أخي كما صبرت ثلاثين سنة
كنت لاتقدر فيها أن تفتح فمك بكلمة واحدة
أستحلفك بالله هل كنت تستطيع أن تقول مثل هذا الكلام على مبارك في عصره
تف

همون الحرية والديمقراطية فهم خاطيء
بدل السب والشتائم قوم اعمل حاجة مفيدة لبلدك

كويس انك أثرت النقطة دى عشان انا مرارتى اتفقعت و لامؤاخذة و اكيد مش منك انت
يعنى قبل الثورة كان الكلام عن ان مبارك فرعون و فى ايده كل السلطات و ولاده طايحين فى البلد و معندوش احترام للقضاء و لا احترام للشرعية و انه كان القائد الاعلى للجيش و الرئيس الاعلى لهيئة الشرطة و رئيس مجلس القضاء الاعلى
دلوقتى المطلوب ان الدكتور مرسى ياخد نفس الصلاحيات دى اللى فرعنت مبارك او يعمل نفس الحاجات اللى طهقت الشعب منه زى عدم احترام الدستور و القانون و احكام المحكمة

و لكم مثل : فى حل مجلس الشعب ايام مبارك نفض لحكم المحكمة و عمل استفتاء رغم ان ده مخالف للدستور و القانون و لما تيجى دلوقتى تقول حكم المحكمة نافذ يقولك لا نعمل استفتاء اشمعنى مبارك عمل
حوار الصلاحيات و انه القائد الاعلى لكل حاجة اما تيجى تقول الرئيس مينفعش يبقى كل حاجة يتقالك اشمعنى مبارك كان كل حاجة
حتى فى حوار حكومات رجال الاعمال و النية اللى كانت موجودة لاعادة انتاجها اما تقول يا جماعة دول بوظوا البلد و كان فى تعارض مصالح يترد عليك اشمعنى مبارك كان عامل حكومة رجال اعمال



سؤال و محتاج اجابة واضحة هو لازم مرسى يبقى زى مبارك ؟؟؟
امال هى الثورة قامت ليه ؟؟ و كان الاعتراض على ايه و لا مؤاخذة ؟؟؟