اقتباس:
المشاركة الأصلية كتبت بواسطة still think of you
لالالالالالالالالا
انا مثل حضرتك تماما
وفيت حتى انتهيت
و اتمنى ان يفسر لنا احد لم نوفى و هم يخوننا
|
شكرا لمرورك الكريم
اقتباس:
المشاركة الأصلية كتبت بواسطة سارة ماكس
هههههههههههه انت كده بقيت 3 شخصيات واحد كعضو تانى والتانى شايف واحد مجنون غير التالت ايه ده؟على العموم السلبية ان الانسان يفهم ان الناس قاصدين يجرحوه او كده لازم تفهم ان اكيد هم مش قاصدين كده وممكن فى حاجة مزعلاهم بس واستحملهم ايوه فى ناس بتبقى شوية ماعندهاش دم بس هنعمل ايه ندعيلهم وخلاص رمضان كريم
|
هههههههههههه انفصام بعيد الشر عنك
مع حضرتك حق اكـيد ... لكن انا مش بفكر كدة
انا دايما بفترض حسن النية فى الشخص الى قدامى ايا كان
لو عمل فعل ضايقنى بفترض مع نفسى اى عزر او مبرر ليه وخلاص بسامح وبنسى تماما
بس والله سعات بدور على مبرر ومش بلاقى بضحك على نفسى وبفترض اى نية علشان اكبر دماغى
وفعلا بسامح .. بس فى الحالة دى بيبقى صعب انسى
شاكر لحضرتك ردك و مرورك الكريم
اقتباس:
المشاركة الأصلية كتبت بواسطة lolododo2010
موضوعك جميل انت بتكتب اللي جواك بس جميل انك تحب صحابك رائع انك تساعدهم بس معلش تيجي عند مصلحتك وبلاش تضيعها ايام الامتحانات ليه تتاثر من كلام ممكن يكون تضليل وبتحصل كتير بس عموما طالما كانت نيتك كويسه ولوجه الله خلاص متندمش انت دخلت كليه ان شاء الله تتوفق فيها وتبقي فيها ممتاز بس تذكر لا يلدغ المؤمن من جحر مرتين
|
متشكر جدا لرد حضرتك
صحيح كلامك فعلا ... مش دايما الناس بتقول الحقيقة حتى لو كانو صحابك
بس انا مقدرش افترض سوء النية او اكدب صديقى إلا إذا كنت متأكد
حصل معايا الموقف ده على فكرة فى الإمتحانات الى فاتت دى
بتكلم مع صديقى فى التليفون وبيشتكلى من صعوبة الإمتحان وانه محلش وساب حاجات كتير وكدة
وانا عايش معاه وبحاول اشجعه على متابعة المذاكرة وانه مييئسش وكدة
واثناء ما بيتكلم سمعت حد من عنده بيقوله انت مش قولت انك حليت كل حاجة !!!
انا سمعت ده اتدمرت ..خلصت المكالمة وبكيت... وبيقت اسئل نفسى لــيه يعمل معايا كدة ؟؟
بس شوية وهديت وخلاص و كان فى نفس المكالمة دى طلب منى خدمة .. عملتهاله علطول لحظة ما هديت
وكالعادة مكلمتهوش فى حاجة ... موقف بسيط اوى بس دايقنى اوى .. ومعرفتش اذاكر حاجة يومها كنت متضايف
وكبرت دماغى بعد كدة ....
عارف فى ناس كتير بتقول الى حصل ما يستاهلش كل ده .. بس دى مشكلتى حاجة زى دى ممكن تدمرنى
"لا يلدغ المؤمن من جحر مرتين"
حطيتها فى دماغى الجملة دى.. ومقدرتش اعمل بيها مع الأسف
فى موقف محدد حصل ... بدون ما ادخل يعنى فى تفاصيل كنت متفق انا وصديق نذاكر مع بعض فترة قبل الإمتحانات نشجع بعض يعنى
المهم عمل معايا حركة ندالة كدة ضايقتنى قولت لنفسى "لا يلدغ المؤمن من جحر مرتين"
وقررت مذاكرش معاه تانى وهتحجج بأى حاجة وخلاص
بس لما لاقيت ان هو محتاج ده ... محتاجنى معاه اشجعه طبعا مفكرتش وكملت معاه
وكانت النتيجة انه عمل معايا الحركة دى تانى وتالت ورابع كنت باخد الموضوع بهزار وبعدى .. بس طبعا بعد ما جتتى نحست ومابقتش تفرق
اشكر حضرتك مرة تانية شكرا جزيلا على الإهتمام
اقتباس:
المشاركة الأصلية كتبت بواسطة princess nona95
انت مش غلط على فكرة انت صح والمفروض دا ال يحصل بين الاصحاب بس انت ملقتش حد يقدرك والمفروض ان الصديق مرأة لصديقه
يعنى المفروض زى ماتكون انت كدا
هو برده يكون كدا بيخاف على مشاعرك
انا كنت انا وصاحبتى دايما بنشجع بعض ولو واحدة وقعت التانية تقومها
فعلا كنت بفرح مع انها كانت ايام مذاكرة وايام تخنق
انا صاحبتى دى فى احياء وانا رياضة وكانت يوم امتحانى منمتش
وفضلت سهرانة عشان خايفة عليا
كان نفسى اخرج اطمنها من الامتحان انى حليت كويس دا طبعا على عكس ال عملته
بس كنت عايزة اعمل كدا عشان امتحانها الاحياء بعدى
وكدا مش هتعرف تذاكر
احنا فعلا مش بنخبى على بعض حاجة
هى اختى التانية بجد
انا من رأيى تواجه صاحبك بأنك مضايق ولو لقيت منه ردت فعل تحسسك فعلا انه بيحبك
ومش قاصد كل دا يبقى تنسى
لكن لو العكس يبقى هو الخسران لانك مش هتفضل دايما تخاف على مشاعر وميتخافش على مشاعرك
دا رأيى
|
ربنا يخليكم لبعض يااارب تبقوا جنب بعض دايما
"اسمع كلامك اصدقك اشوف افعالك اتعجب"
ده دايما بيحصل مع صحابى تلاقى الواحد منهم كلامه عسل وتحس انه بيحبك .. بس اما تيجى تشوف افعاله حاجة تانية خالص !!!
لو واجهت هلاقى اعزار وحجج
وانا مع الأسف طيب حتى لو مش مسدقه هضطر اسدقه وفى الحالة دى ابقى طلعت لانا اللى غلطان وشكاك
مع ان ده مش صح
انا نفسى ممكن اعمل كدة انا يعنى مش ملاك
لو حصل فى يوم ضايقت حد ايا كان غصب عنى ممكن اختلق مبرر او كذب علشان ميزعلش
بس لو كنت بحبه اصلا مكونتش زعلته
هيا دى العباره !!!!!!
اشكر جدا حضرتك على مرورك الكريم واهتمامك
اقتباس:
المشاركة الأصلية كتبت بواسطة مريم السباعى
بص انا حقولك حاجة واسمعها منى لانى تقريبا والله العغظيم والله العظيم زيك بالضبط بس دة اغلب عمرى
بس حقولك حاجة علشان ترتاح بيها احنا مشكلتنا اننا بنعلم الخير والطيب علشان بنكون مستنين حاجة حتى لو تقدير نشوفو فى عنيهم
وعلفركة اكتشفت مؤخرا ان دة مش صح
لازم نتعود اننا نعمل دة لان ربنا امرنا اننا نكون كدة نود بعض بس طبعا فى حدود قدرتنا والى مياثرش عليانا بسلب
فسؤاء حد ادرنا اولا احنا كدة كدة مش بنعمل ليهم فى رب هو الى بيحكم وعارف الى بيضحى من الى مبيضحيش
وصدقنى ربنا بيكرم واو والله
واحنا لسة داخلين جامعة وياما حنشوف ومعايا كتير صحاب الى كانو فى ثانوية معايا فى الكلية نفسها الى حدخلها بس متاكدة ان تعاملى معاهم لازم يتغير مش للوحش لا بس لازم اكون حريصة ان ساعدتهم متكونش على حساب اعصابى او ساعدتى |
اشكر حضرتك بجد كلامك جميل اوى اوى
الواحد لازم فعلا يحط فى دماغه انه بيعامل ربنا مش لازم يستنى مقابل من بشر
عارفة .. كان نفسى اتغير كدة واعمل زى حضرتك ...
قولت لنفسى بدل ما ابقى "مهتم لأمرهم اوى اوى" .. ابقى بس "مهتم لأمرهم"
بس مقدرتش معرفش ليه .. ممكن اضحى بساعدتى لسعادة حد فيهم
شكرا مرة تانية لحضرتك
)
اقتباس:
المشاركة الأصلية كتبت بواسطة ..: Pink rose :..
مهما عملت صعب ارضاء كل اللي حواليك و العكس
انت صديق مخلص و وفي ودي صفة مش موجودة كتير اليومين دول
متستناش من حد حاجة ...اتعامل مع صحابك بنية صافية و متغيرش اسلوبك معاهم
و عاتبهم بهزار وقتها هيحسوا بيك...و حاول تفهم شخصيتهم و اخلاقهم كويس
مش معنى انهم متفوقين دراسيا يبقى لازم تصاحبهم
الاخلاق و التدين اهم حاجة...
|
شكرا جزيلا لكِ على الرد وعلى كلامك الجميل ده
بس انا مجبتش سيرة التفوق .. واكيد طبعا ده مش مقياس
الأخلاق والتدين اهم حاجة فعلا
شكرا لمرورك الكريم
)
اقتباس:
المشاركة الأصلية كتبت بواسطة yooma
ع فكرة مش انت بس اللي كدا هتلاقي غيرك كتير كدا
بس نصيحة مني شوف الصح واعمله ومتبقاش زي اصحابك
حتي لو كان دا من غير مقابل
المهم انت ايه؟؟؟ |
متشكر جدا لكلام حضرتك ولنصيحتك
ربنا يقدرنى واعمل بيها
شكرا مرة تانية
اقتباس:
المشاركة الأصلية كتبت بواسطة خالد احمد زكريا
لما تاخد م الحياه ميت ألف كف
وتنجرح من قبل ما جراحك تخف
وإللى عشره معاك يخونك
خبطته تنزل ترف
إعمل عبيط ، إعمل عبيط ، إعمل عبيط
ده أحسن حل يا بنى والله للى بنشوفه إنك تعمل عبيط
ربنا يهديهم ويهدينا أجمعين |
ههههههههه اعجبتنى كثيرا كلمات حضرتك
والله علطول عامل عبيط , عامل عبيط , عامل عبيط
وكل شويـة ألبس فى حيط , ألبس فى حيط , ألبس فى حيط
اسعدنى مرورك الكريم شكرا جزيلا