[مـــــلك]

المشاركة الأصلية كتبت بواسطة فاروق ابوعيانه

واليوم حان الوقت مع حلقة جديد من حلقات ( حوار مع قلم مبدع )ومبدع اليوم لكتاباته مذاق متميز وخاص انه ( سيلفانو )
والآن مع نص الحوار ونبدأ كالعادة مع بطاقة تعارفه ....



....

الاسم : نور الدين محمد محمد

تاريخ الميلاد : 9/9/1983
محل الميلاد : محافظه الاسكندريه
محل الاقامة : مدينة منيا القمح - محافظه الشرقيه
المؤهل : ليسانس اداب + دبلوم عام فى التربيه - قسم التاريخ - تقدير عام جيد جدا
الوظيفة : معلم دراسات اجتماعية اعدادى
0000000000000000000000000
متى بدأت الكتابة الأدبية?

عام 1998 كنت حينها فى الثانوية العامه
هل تتذكر أول بيت كتبته :-والله ما فاكر

من هو الشاعر الذى تأثرت به فى بدايتك?

عبد الرحمن الابنودى

ما هى هواياتك الأخرى غير الكتابة? :-

كرة القدم - البلياردو

000000000000
الشاعر المفضل لديك :

عبد الرحمن الابنودى - احمد فؤاد نجم - هشام الجخ - بيرم التونسى

القصيدة المفضلة لديك :

بصراحه هما اتنين ( انطردى الان من الجدول - 3 خرفان ) للشاعر هشام الجخ

البيت الذى تحبه وكثيرا ما تردده :

أيا حكام امتنا الستم من تعلمنا على يدكم ان العود محمى بحزمته ضعيف حين ينفرد
الستم من تعلمنا على يدكم ان الثعلب المكار سيأكل نعجه الحمقى اذا للنوم ما خلدوا
الستم من تعلمنا على يدكم ان اعتصموا بحبل الله واتحدوا

0000000000000000
لماذا تخصصت فى الشعر العامى الغنائى والزجل ?

لانى مش ضليع اوى فاللغه العربيه الفصحى ولقيت حاجات كتير بتستفذنى ولازم اعبر عنها فقولت اللى عندى بطريقتى من غير لا قيود لغويه ولا خوف من رد اللى حواليا

الا يوجد لك محاولات بالفصحى ?

لا فى وكانت هنا فالمنتدى بس والله مفاكرها ولا عارف هيه مكانها فى دلوقتى

من هى الشخصية التى أثرت فى كتاباتك ?

المؤثرين كتير اولهم حبيبه ماتت - وعشقى لبلدى رغم قساوة الظروف - وامى
..................
ما هى اسعد لحظات حياتك وما أقساها ?

اسعد لحظه فحياتى فعلا حسيتها يوم مجاتلى فرصه سفر لاروبا وايطاليا تحديدا واتحدد فعلا الميعاد - اسوأ لحظه لما حسيت انى بهين نفسى عشان الفلوس برة بلدى وقررت الرجوع ومعرفتش الا بعد متهانت اكتر واكتر حسيت انى اقل ما كنت متصور

ما هو الحلم الذى حققته والحلم الذى لم يتحقق بعد ?

الحلم الذى حققته هو انى وجدت حبيبه بعد فراق اخرى ومكنتش عندى امل انى احب تانى اصلا بس الحمد لله حبيت
- الحلم الذى لم يتحقق بعد : انها تبقا زوجتى ان شاء الله


ما هو الحدث الذى أثر فيك فأطلقت الابداعك بعده العنان ?

موت حبيبتى الاولى بعدها كتبت كتير اوى
...........................

ماذا تقول باختصار عن

الحب : موجود بداخل كل فرد مهما كانت درجه قساوة قلبه بردو اكيد له حد بيحبه
الأم :- عطاء بلا حدود
المرأة عموما :- فى نظرى المرأة رمز الرقه والضعف والجمال على الارض
الصداقة :- عطاء بدون مقابل
الشعر :- وسيله تعبير عن ما بداخل الفرد على اختلاف المواقف
الوطن :- عشقى الذى لا ينتهى ومحدش يقولى ليه
..........................................
ما رأيكم فى المستوى الابداعى لاعضاء المنتدى ؟

ممتاز من جانب وضعيف جدا من جانب اخر ولكن الامتياز اكثر
ماذا ينقص المنتدى من موضوعات من وجهة نظرك ?

الاقسام التى ادخلها محدوده بالنسبه لمنتدانا الكبير فلا استطيع ان احدد ما هو الناقص بدون ان اكون ملم بالشكل العام والكامل للمنتدى

ما هى النصيحة التى توجهها للمبتدأين?

الكتابه بدون اى خوف والسعاده بالنقد ايا كان لانه حتى لو النقد مش فصالح الكاتب عالاقل اثار الناقد بشكل او بأخر وجعله يهتم ويرد على موضوعه ولولا النقد لما تفادينا الاخطاء

ما رأيك فى الأحداث السياسية الجارية :-

( محدش فاهم حاجه خالص )
ابقا كداب لو قولت انى مبسوط وفرحان باللى بيحصل
وابقا كداب لو قولت انى زهقت مالبلد وكرهتها
يبقا مهما كان رأيى فبلدى حاسس انى لو قولته هبقا كداب

فى النهاية نريد منك قصيدة شخصية لك ولمن تهديها

هفضل عايش ليكى وبس
لا بغيرك انا هقدر احس
مهما كتير قدامى اترص
وقالولى اتفضل اختار

هفضل عاشق ليكى وبيكى
طاير فسماكى ولياليكى
ومهما الناس قالو عليكى
عايشك جنه ولو فيكى نار

مصر يا بلدى يا امى يا ارضى
مهما شوفت فيكى انا مرضى
فيكى شرفى واهلى وعرضى
وعمرى فحبك يوم ما انهار

مهما حصل او مسك سوء
بردوا عاليه لفوق ولفوق
ولو مرار ليلاتى بدوق
بردو فيكى من الاحرار

وفى النهايه شكرى وتقديرى واحترامى لاستاذى الرائع فاروق ابو عيانه
لانه ضمنى الى قائمه المبدعين وهذا شرفا لى

حلقه جميله تعرفنا فيها على أحد مبدعين القسم
في انتظار باقي الحلقات