الحلقه السابعه فى بيت شرين
نعمه وهناء عندهم وقاعدين كلهم بيتكلموا
شرين( وهى بتبص لهناء ): ماما احنا فى واحده زميلتنا مطلعه رحله لاسكندريه ويعنى احنا بنستأذنكم لو يعنى ينفع نروح
... سهير: والرحله ديه بقى كام يوم
شرين:هى يومين بس
سهير:يا بنتى انا مينفعش انام غير لما تكونى انتى واخوكى فى عز نومكم
شرين: يا ماما انا هبقى اتصل بيكى وانا نايمه واعرفك انى نايمه كويس
سهير:ههه اه يا لمضه .... على العموم انا موافقه بس اما بباكى يجى ابقى قوليله
شرين: ربنا يخليكى ليا يا احلى ام فى الدنيا
سهير: يا بكاشه
كلهم : ههههههههه
هناء: وانا يا ماما انا عايزه اطلع انا كمان
نعمه :خلاص بس بردو قولى لباباكى وهو اكيد مش هيرفض مدام شرين معاكى
شرين: انشاء الله هيوافقوا
وفى مكان ما شخصين بيتكلموا فى التليفون
الشخص الاول :الو ها ايه الاخبار
الشخص التانى: لسه مافيش اى اخبار جديده
الشخص الاول: لو حصلت اى حاجه جديده بلغنى بيها
الشخص التانى :اوكى .. سلام
وبليل فى بيت شرين
شرين: بابا انا عايزه اقولك حاجه
محمد:خير يا شيرى
شرين :فى جماعه اصحابى مطلعين رحله وانا يعنى كنت يعنى ........
محمد:مامتك حكتلى وانا موافق
شرين :بجد( وباسته من جبينه)ميرسى جدا يا احلى بابا فى الدنيا انا هنزل اقول لهناء
ولسه شرين هتنزل سمعت الباب بيخبط
راحت تفتح الباب لقت هناء
شرين:ايه ده ده انا كنت لسه هنزلك علشان اقولك ان بابا وافق على الرحله
هناء: ههههههههههه وانا كمان كنت طلعالك علشان اقولك ان بابا وافق
شرين:الحمد لله انا هتصل بانجى اقولها
هناء:وانا هنزل اذاكرلى كلمتين قبل ما انام
شرين : اوكى
وقفلت شرين الباب ودخلت اوضتها واتصلت بانجى
انجى :الو يا شيرى اخبارك ايه
شرين: الحمد لله انا بتصل بيكى علشان اقولك انى هطلع انا وهناء الرحله
انجى: بجد ........ انا فرحانه قوى
شرين: طب ماشى يا ست الفرحانه......... اقفلى بقى خلينى اذاكرلى كلمتين يرضيكى هناء تذاكر وانا لأ
انجى :هههههه لأ طبعا ميرضنيش
شرين :طب اوكى سلام
انجى :سلام
وقفلت انجى مع شرين ودخلت لاحمد اوضته
انجى: احمد عندى ليك مفاجئه
احمد: قولى مع انى مبرتحش لمفاجئاتك
انجى :انت حر بس شرين كلمتنى
احمد (بلهفه): ها ........ هتروح ولالأ
انجى: لألألأ خلاص انا مش هقول مدام مفاجئاتى مبتعجبكش
احمد: ( وهو بيزغزغها)سورى يا بطه قولى بقى
انجى :هههههههههه خلاص هقول هتطلع معانا هى وهناء
احمد( شال انجى ولف بيها) : هيههههههههههه الحمد لله
انجى: هههههههه انت مجنون كل ده علشان هتطلع الرحله اومال لو قلتلك انها بتحبك هتعمل ايه
احمد:ياه ده انا كنت اموت منها
انجى: يا سلام امتى الى يجى ويحبنى الحب ده كله
احمد:لازم هيجى هو فيه قمر كده وميلئيش حد يحبه
انجى (بدلع):يا كثوفى
احمد:طب يلا يا اختى روحى نامى فى جامعه الصبح
انجى : يا لهوى عليك ده انت كنت من شويه بتغزلنى
احمد: امشى بقى يا لمضه
وفات يوم ورا يوم وجه يوم الرحله ودخلوا الباص ووصلوا لاسكندريه الساعه 7 بليل وطبعا على اما حجزوا فى الاوتيل وارتاحوا حبه كانت الساعه 9 نزلوا يعدوا حبه على البحر ويقيموا السهره الليليه
انجى:الجو رائع انا نفسى انزل البحر
شرين :انتى اكيد مجنونه بحر ايه بليل
هناء: هو فيه احلى من الجنان
شرين: ماشى يا مجنونه انتى وهيه ربنا ما يحرمكم من جنانكم
كلهم: ههههههههههه
وهنا ياتى احمد
احمد:ازيكم يا بنات ها ايه الخبار
انجى :الرحله تحفه والجو هايل
احمد:ماشى يا مطرقعه
احمد:شرين انا عايزيك فى كلمه على انفراد
شرين راحت باصه لهناء
وهناء بصتلها بصه معناها روحى
راحت انجى واخده هناء وقالت
انجى :يلا يا هناء انا هوديكى مكان مجنون على الاخر
هناء:اوكى يلا بسرعه
شرين بتقول فى بالها حسبى الله ونعم الوكيل فيكوا
شرين :خير يا احمد فيه ايه
ملحوظه: المكان كان فاضى خالص
احمد:__________
ويا ترى احمد هيقول ايه لشرين؟
ومين الشخصين الى كانوا بيتكلموا؟ وعايزين يعرفوا اخبار مين؟
-----------------------------------------------
الحلقة الثامنه
احمد : انا هتكلم بس لو سمحتى متقطعنيش
شرين: اتكلم يا احمد قلقتنى فيه ايه
احمد: شرين انا بحبك انا من يوم اما شوفتك وانا مش عارف ايه الى حصلى انا عارف انك ممكن تكونى مش مصدقانى لان انتى بتقولى فى بالك ده واد بايظ وبتاع بنات وفاشل كمان بس صدقينى انا مش هكدب عليكى انا فعلا كنت كده بس ده قبل اما اعرفك انتى غيرتى كل حاجه فيه لدرجه انى لغايه دلوقتى اما بقف اقدام المرايا مببقاش عارف اذا كنت انا الى واقف ولالأ وبردو لو مش مصدقانى اسئليه ... اسئلى القمر ... القمر الى كنت كل يوم بقف ابعتلك معاه رسايل بس كان بيقولى انت الى هتوصلها الرسايل ديه بنفسك وادينى بوصلك رساله محطوط فيها ورقه مكتوب فيها بحبك وصدقينى لو طلبتى منى اى حاجه انا مش هرفض عايزه قلبى خديه روحى خديها ......... بس هتخديهم ازاى دول هما اصلا معاكى قلبى وروحى وكل حته لسه فيها نبض وحياه بتنبض بس علشان تقول بحبك ... بحبك ومش هحب حد غيرك طول عمرى انا هسيبك تفكرى برحتك ولو وافقتى انا مستعد اجى اخطبك فى سا عتها ولو ماوفقتيش ... صدقينى انا مفيش حد هياخد مكانك فى قلبى ابدا طول العمر
(وباس احمد يد شرين وسابها ومشى )
وكل ده وشرين حاسه بحاجه هى محستهاش قبل كده ولا هتحسها ابدا
وفضلت على الحاله ديه لغايه اما هناء وانجى جم
انجى: شرين
شرين:_____
هناء: انتى يا بنتى ... شرييييييييييييييييييييين
شرين:ايه بتزعقى ليه
هناء : بزعق ليه ده احنا بقالنا ربع ساعه بنادى وانتى ولا هنا
شرين: معلش مختش بالى
انجى: خير احمد كان عايزيك فى ايه
شرين: ها لألأ ابدا مفيش
هناء: علينا بردو احكى يا سوسه
شرين( طبعا حكتلهم على الى حصل) انجى( باستعباط): مش معقول احمد يعمل كدا
شرين: انتى بتسطعبتى عايزه تفهمينى انك مكنتيش تعرفى
انجى( بطفوليه): انا لألأ ابدا انا معلفس حاجه
هناء: متعلفيس ماشى يا ست البريئه
شرين: ماشى يا انجى تحطينى فى الموقف ده
انجى: انتى بتهربى من ايه ... اعترفى هتردى عليه وتقليله ايه
شرين: مش عارفه
هناء: هو ايه ده الى مش عارفه الواد جه واعترفلك بحبه
انجى: صدقينى يا شرين احمد بيحبك بجد واحمد فعلا اتغير من ساعه اما حبك
هناء: اهى اخته الى بتثبتلك انه عقل واتعدل
شرين: بس انا...
هناء : انا ايه انتى بتحبيه يا شرين ومتنكريش
شرين( بارتباك): انا لألألألأ انا مبحبوش ولا حاجه
شرين: لأ بحبه
شرين : ايه ده انا قولت ايه
انجى: الله اكبر بركاتك يا احمد
شرين: اسكتى بقى استنى انا مش عارفه اقوله ايه
هناء: قوليله زى ما هو قالك
شرين:مش هعرف
هناء:لأ هتعرفى روحى قوليله يا احمد انا بحبك
شرين: صدقونى مش هعرف
انجى : حرام عليكى الواد على نار هتموتيلى اخويا اعترفيله بالزوق احسنلك
هناء:اسمعى كلام حضرت الظابط
شرين : هحاول
شرين: الو يا ماما عامله ايه
سهير: الحمد لله يا حبيبتى انتى الى عامله ايه وحشتينى
شرين: وانتى كمان بس ده احنا لسه اول يوم
سهير : والله البيت ملوش طعم من غيرك يا شيرى
شرين : لأ طبعا ربنا يخلى الى فى البيت كلهم ويخلوله طعم دايما
سهير : ربنا يحرسك يا حبيبتى
شرين: ماما انا كنت عايزه اقولك حاجه واخد رأيك فيها
سهير[: خير يا حبيبتى
شرين: عارفه احمد الى جابنى يوم ما تعبت
سهير : اه عرفاه مش اخو انجى صحبتك
شرين: ايوه هو
سهير : وده ماله
شرين: اصله قالى يعنى انا انه..... انه
سهير : معجب بيكى
شرين (بارتباك):عرفتى منين
سهير : من صوتك
شرين: طب هو مستنى منى دلوقتى رد وانا مردتش اقوله حاجه غير لما اقولك
سهير : بصى يا حبيبتى هو كويس وكل حاجه بس اهم حاجه انتى بتحبيه ولالأ
شرين :بصراحه ايوه بحبه
سهير : خلاص يبقى لازم تقوليله زى ما هو اقلك
شرين: انتى شايفه كده يا ماما اصل هناء وانجى قالولى نفس الكلام
سهير : ايوه يا حبيبتى مدام انتى متأكده من حبه ليكى يبقى متعذبيهوش
شرين: ميرسى ليكى يا احلى ام فى الدنيا
سهير : انا احلى ام علشان امك انتى.... يلا سلام واعملى زى اما قولتلك وابقى طمنينى عليكى
شرين: انشاء الله يا ماما سلام
سهير: لا اله الا الله
شرين: محمد رسول الله
وخلصت مكلمه شرين مع امها واحمد واقف على نار مستنى الرد من شرين
شرين: أ أ أحمد
احمد: شرين
شرين: ايوه شرين اومال مين يعنى
احمد: سورى مكنتش اتوقع انك تكونى انتى
شرين: اصل يعنى انا كنت جايه اقولك انى .............بص بقى انا اتصلت بماما وحكتلها على الى حصل وهى قلتلى...........
احمد( بحزن):خلاص يا شرين انا عارف ردك مهو ازاى يعنى انتى تستهلى احسن منى بكتير واوعدك اننا بردو هنفضل اصحاب وصدقينى مفيش حد هياخد مكانك بقلبى
شرين: انت ايه الى قولته ده انت احسن انسان فى الدنيا و كمان...
يقاطعها احمد
احمد:انتى قولتى ايه
شرين: الى انت سمعته
احمد : حرام عليكى ريحينى انا هموت منك
شرين( بسرعه): بعد الشر عنك
شرين ( حست انها محرجه جدا فحاولت انها تدارى احراجها: وبعدين ماما وافقت و .......
يقاطعها احمد
احمد: بس انا مش عايز ماما الى توافق انا عايزيك انتى الى توافقى
شرين: انا ....... انا ......... موافقه
احمد: انتى بتتكلمى بجد انا اسعد انسان فى الدنيا وانا عند وعدى اول ما هننزل من الرحله ديه هخطبك علطول
شرين: انت مجنون انت سريع ليه كدا
احمد: مش قادر انا مصدقت انك وافقتى وكمان علشان يبقى خروجنا مع بعضنا ليه مبرر
شرين : عندك حق انت فعلا اتغيرت
احمد( وهو باصص فى عيونها): بحبك
شرين : ......... انجى وهناء بينادوا علينا يلا نروح لهم
احمد ضحك لانه فهم انها اتكسفت
وفات اول يوم وجه تانى يوم بليل فكانوا سهرانين لانهم كانوا هيسافروا اول اما النهار يشقشق
هناء: اخيرا قولتيله ده انتى متعبه يا شرين
شرين: انا مش عارفه انا ازاى اصلا وقفت قدامه وقلت كدا
ملحوظه: احمد مكنش واقف معاهم لانه سابهم وراح يجيبلهم العشا
انجى: الحمد لله انا كده هخلص من زن احمد على دماغى
هناء: زن ايه؟
انجى : زن ايه؟ ده كان هرينى كل يوم يسالنى هى شرين عامله ايه النهارده؟ هى شرين مجبتش سيرتى خالص؟ هى شرين؟ هى شرين؟ قرفنى
هناء:يا بختك ياعم ( موجهه كلامها لشرين) شرين: اتكتموا بقى علشان ميدو جاى
هناء: ميدو ... الله يرحم ده يوم اما كان هيخبطك بالعربيه قولتى عليه حيوان
انجى: ههههههههه كبسه ههههههههه
شرين:هشششششششش بقى اسكتوا شويه
وهنا يأتى احمد
احمد: اتفضلى يا ست هناء اتفضلى يا ست انجى العشا
شرين ( وهى رافعه حاجب ومنزله حاجب): يا سلام انت رايح جايبلهم ومجبتليش
احمد: لأ انتى هتيجى معايا احنا مش هناكل زيهم
هناء:يا لهوى انت حاطتلنا فيه سم ولا ايه
احمد: هههههه لأ يا اختى انا وشيرى هنتعشى فى مكان ميسعنيش الا انا وهى وبس
انجى: يا عم الرومانسيه ايه هتتعشوا فى ازازه
احمد: يلا تعالى معايا ( وشد ايد شرين ) شرين: انت مودينى فين
احمد: امشى وانتى ساكته
وفجأه لقت نفسها فى مكان جميل جدا وهادى جدا بس كان فيه ناس ومكنش بعيد عن انجى وهناء اوى بس كان هادى وجميل جدا جدا
شرين: الله ايه المكان الرائع ده
احمد:المكان جميل علشان انتى فيه
شرين( بكسوف): ميرسى
احمد: الله احلى ميرسى سمعتها فى حياتى
شرين: ( بصت فى الارض وبقا وشها شبه الفراوله من كتر الكسوف وطبعا متكلمتش)
راح احمد ماسك ايدها وقعدها ومسك جيتار
ملحوظه: احمد صوته حلو جدا
مسك احمد الجيتار وابتدا يغنى اغنيه رومانسيه جدا
انا جتلك هنا لوحدى وحنتلك
وبكره الوقت يسبتلك بحبك اد ايه وبهواك
مجبتش حاجه من عندى ده احساسى
فى بعدك روحى بتأسى مبرتحش الا وانا وياك
ناديلى قلبك اعرفه واكلمه وافهمه
ان العيون ديه بيخطفوا وبسحروا وبيشغلوا
ناديلى حد اشهده على كل يوم بيك بحلمه
على كل وعد انا بوعده وعلشان غرامك هعمله
انا جتلك وجوايا حنين زايد
حبيبى ده ربنا رايد
اقبلك يبقى بينا ميعاد
مفيش ولا نجمه فى سمايا بنور ضيك
من الاخر مفيش زيك ولو لفيت بلاد وبلاد
ناديلى قلبك اعرفه واكلمه وافهمه
ان العيون ديه بيخطفوا وبيسحروا وبيشغلوا
ناديلى حد اشهده على كل يوم بيك بحلمه
على كل وعد انا بوعده وعلشان غرامك هعمله
وخلصت الاغنيه من هنا وشرين كانت با صه لاحمد وعيونها دمعت
احمد ساب الجيتار وبيقول وهو بيمسحلها دموعها بأيده
احمد: العيون الى جرجرتنى ديه بتعيط ليه
شرين( بأبتسامه هاديه): علشان بحبك
احمد حس انه قلبه طلع بره جسمه ومقدرش يمسك نفسه وراح حضنها جامد وهى كانت فى قمه
السعاده
وفجأه سمعوا صوت ايادى بتصقف جامد واشخاص بيصفروا لقوهم انجى وهناء وطبعا مكنوش لوحدهم ده كان الجروب بتاع الرحله كله معاهم
شرين: ههههههه انتوا مجانين
احمد: ماشى يا انجى كده تقطعى عليا اجمل لحظه فى حياتى
هناء: وووووووووووو برافو انتوا تجننوا بتفكرونى بعمر الشريف وفاتن حمامه
كلهم:هههههههههههه