[د/ ماجدولين]

المشاركة الأصلية كتبت بواسطة الطالب المسلم

كلام استاذك هو اللي صح وده معروف

اما الاستاذ التاني فشكله اتلخبط او غلطة مطبعية ولا حاجة

لان حاجز جهد السطح ده اللي بيمنع الالكترون من انه يسيب الذرة

يعني دلوقتي اينشتين قال انه لما فوتون تردده قد التردد الحرج يسقط على الذرة بينبعث الكترون لكن مش بينطلق بقه بره الذرة..طب ليه

علشان حاجز جهد السطح..بعد ما الالكترون بيخرج الذرة بتبقى ايون موجب والالكترون سالب فبيحصل تجاذب بيمنع الالكترون من التحرر فلازم يكون الفوتون اكبر من التردد الحرج علشان كمان يتغلب على حاجز جهد السطح...يارب اكون قدرت اوصل المعلومة

اما الجهد الحاجز فده في الترانزستور وده اقصى جهد يكفي لمنع انتقال الالكترونات من البلورة n للبلورة p وانتقال الفجوات من البلورة p للبلورة n ...ياريت تقري الحتة دي من كتاب المدرسة وتفهميها منه الاول قبل ماتذاكريها من اي مصدر تاني

يلا بقى السلام عليكم ورحمة الله وبركاته

انت فعلا قدرت توصل المعلومة شكراااا جزيــــــلا
بالنسبة للجهد الحاجز انا قريت من المثالى انة بيكون فى الوصلة الثنائية عموما ماعتقدش انها مشكلة لان الترانزستور بيكونnpnاوpnp لكن الحقيقة انا ما لقيتش المصطلح دة فى كتاب المدرسة انا قريتة اكتر من مرة
وعشان كدةاتاخرت فى الرد بس انا فعلا مش لاقياة عموما شكرا مرة تانية للرد
يللا بقى ؛فى رعاية الله