[Dr.Kedaokay]

المشاركة الأصلية كتبت بواسطة اعمروو

طيب ياجماعة منا قدمت برضو بعد ما بقى كومبليت وحطونى على الويتنج ليست
ممكن تقولولى موضوع انى لو دفعت الفلوس ابقى فى الجامعة فعلا ولا لا وادفع فلوس قد اية
واللى دفع الفلوس وبقى فى الجامعة عمل الاجراءات ازاى بالظبط
وبالنسبة لجودة التعليم هى كويسة فعلا ولا لا
وممكن تشرحوا حكاية الامتحان اللغة والحساب دول بالتفصيل
واية هيا عيوب ومميزات الجامعة دى ارجوكم
يعنى الجامعة دى كويسة على قد مصاريفها ولا لا
وفى مصاريف تانية غير مصارييف اول السنة 33000 ولا لا
ارجوكم تقولولى

انت طالما ف الويتنج ليست يبقا هيختارو 10% بس من الويتنج ليست .. و هيكون الأولوية للمجموع الأعلى
لو رحت هناك و بشوية كلام مع شئون الطلبة هتعرف ايه المطلوب بالظبط و ممكن موقفك يتحسن
اللي بقا ف الجامعة محتاج يودي الورق
الورق دا عبارة عن .. اصل شهادة الثانوية العامة , اصل شهادة الميلاد , 6 صور شخصية , استمارة 2 جند
و ف اول سنة فيه مصاريف تأمين على المعامل و كده بقيمة 2000 جنية .. و بتستردهم تاني بعد ما تخلص دراسة ف حالة لو انت ماكسرتش حاجة او ماخربتش الجامعة .. دا غير مصاريف الباص لو انت هتشترك ف الباص بتاع الجامعة
مميزات الجامعة انها لسة جديدة و هيبقا فيها تعيينات كتير ان شاء الله , موقعها كويس و معظم البلاد ممكن تروحلها و ترجعها ف نفس اليوم .. و لو اتزنقت ف الوقت ف يوم و عايز تبات برده اسعار السكن ف جمصة قليلة ف الشتا , الدكاترة و المعيدين كلهم من أكفأ الموجودين ف ستاف كلية الصيدلة جامعة المنصورة , و كل الناس بتشكر ف العميد بتاع صيدلة
العيوب .. المواصلات .. الباص بتاع الجامعة غالي شوية , و الخدمات حوالين الجامعة قليلة أوي .. دا لإنها على الطريق و جمصة اصلا ف الشتا بتبقا فاضية و خدماتها قليلة
بس كده