[احبكـ ربى]

المشاركة الأصلية كتبت بواسطة راجى طاعة الرحمن

أنا فى الأول كنت بأفكر زى حضرتك كدة....لكن لما تروحى مدرسة وتلاقى مدرس واحد اللى شغال أو اتنين والباقى مش بيشوفوا شغلهم...يبقى دة إيه؟...لما تروحى المستشفى..وتشوفى المرضى ملقحين على الأرض وحالهم يصعب على الكافر..ودكتور ولااتنين شايفين شغلهم والباقى مش بيروح المستشفى حتى ولايعرف شكلها...لما تيجى تطلعى رخصة القيادة..وتدفعى رشاوى..علشان الرخصة تطلع..دة يبقى إيه؟...لما تروحى الإدارة الهندسية والمحليات..وتدفعى رشاوى علشان تقضى مصلحتك ياكدة يامفيش حاجة هاتتقضى...وماتلاقيش غير اتنين تلاتة بس هما اللى بيتقوا ربنا..يبقى إيه دة...؟الأمثلة كتيييييييييير...والشعب عايز يتنضف..لإنه من كتر الفساد..مابقتش تفرق معاه..جزاكم الله خيراً

يا أخى الفاضل انا مع حضرتك فى اللى بتقوله ..
انا بس عايزة حضرتك متنساش ان ده كله ظلم 30 سنة ,,
يعنى بالتأكيد لما دكتور مرتبه يبقى قليل او حتى المستشفى اللى هوا شغال فيها مش نضيفة او مستشفى حكومى مش كويسة فبالتأكيد مش هيشوف شغله كويس ,,
بس والله ده ظلم 30 سنــــــــة ,,
مستحيل يتغير بسهولة ,, ده احنا على الاقل محتاجين 30 سنة تانية عشان مصر تتحضر وتنضف بجد ,,,
وحضرتك قولتها ,, من كتر الفساد ,, الناس مبقتش تفرق معاهااا ,,
لكن املنا فى ربنا كبير اخى الفاضل انه يرجع مصر متحضرة ومتقدمة ,,
وشعبها يفوق ويشوف شغله بجد ,,
وربنا يعين الدكتور مرسى اللى بيبنى وحوليه تعابين والعياذ بالله ,,
جوزيتم خيرا اخى الفاضل ,,
وان شاء الله متفائلين خيرااا فى الفترة القادمة ,,
طول ما البلد لسة فيها ناس محترمة وشريفة زى حضرتك والاخوة كلهم ,,
بوركت ,,