[صوت العقل]

المشاركة الأصلية كتبت بواسطة إليزابيث

ازيك يا صوت العقل

الله يسلمك اليزابيت حبيبتى
شكرا للمستقبلين..

دي اسئلتي بما انك دخلتي الموضوع تستحملي بأى ودخوووووووووول الحمام مش زي خروجه
ما علينا اكيد انتي قددددها طببببببببببببعا

هههههههههههههه .. كتيرا عليا والله
اللى انتى عملاه فيا

1) اي موقف من الممكن ان يبكيك اكثر من اي موقف

رؤية الكعبة المشرفة وعرفات فى العيد وانا بعيدة عنهم ..
تنزل دموعى كتير وادعى ربنا يجعلى نصيب العام القادم ..

2) لحظة تسعدك جدددداااااااااااا

لما اساعد اى شخص ويدعيلى بحس انهات دعوة صادقة
وكلها حب .. بتبقى اسعد اوقاتى بجد ..

3) كلمة عن صديقتك المفضلة (كلمةواحدة)

مرايتى الصادقة

4)قراراتك هل تحبذين عادة اتخاذها بمفردك ام تودين مشاركتها دائما او غالبا

طبعا من صغرى اتعودت قراراتى بمفردى ..
واتحمل نتايجها بصدر رحب .. بس ده مش يمنع ان احيانا القرار اكبر منك
ومصيرى .. فما خاب من استشار .. فبستشير المقربين ..
ومع العمر لما بنكبر ونتشارك الحياة
لازم يبقى فيه مشاركة قرار مع الطرف التانى ..

5)لحظة تشعرين فيها بضعف

لحظة ضعفى لما ازعل ناس بحبهم .. بتمنى اعمل اى شئ عشان
مش يزعلوا ..

6)عندما تغضبين جدداااااااا كيف تكونين وكيف تنفسين عن غضبك

للاسف انا غضبى سكوت وصمت .. انفعل واتخنق جوايا بس
عشان مش اقول كلمة ازعل بيها حد .. لكن لو زاد الامر جدا
انفجر واتكلم كتير كتير واخلص القديم والجديد ..
بس مش بوصل للمرحلة دى كتير ..

7) هل انت كتاب مفتوح ام انه مغلق بعض الشئ ام انك انسانة غامضة

بالتاكيد طالما مش بعمل شئ غلط وتعاملى بما يرضى الله
فاحب اكون كتاب مفتوح للجميع.. الا حياتى و خصوصياتى
دى مش من حق حد غيرى ..

8)ما هي اسمى امنياتك في الحياة ( في الحياة)

اولا رضا الله سبحانه وتعالى
الامنية التانية
زى كل البنات عندى احلامى الجميلة والبسيطة
اتمنى ربنا يحققها ان شاء الله
انما ايه هى بالظبط

9) ما هي الصفة الاساسية التي تفضلينها في صديقتك او التي يجب ان يتحلى بها اصدقاءك

بصى مش صفة واحدة
اولا الصدق .. لانها لو صادقة مع نفسها هتصدق معايا فى كل شئ
ما هى كاتمة اسرارى
ثانيا الصراحة .. اكره جدا النفاق ..
ثالثا الثقة .. لازم يكون عندها ثقة فى صداقتنا عشان تستمر
وكل الصفات دى تولد احترام وحب وصداقة دايمة ..

10) كيف تواجهين اساءة غيرك ( بكل صراحة)

بالسكوت .. واحيانا اشكره لانه اهدانى حسنات
بس ده لو حد غريب ..

لو ناس مقربين من الفلب اعاتبهم لاسائتهم
واعرفهم انى زعلانه ... بذوق وادب
واترك ليهم حرية التصرف ..
وعلى حسب تصرفهم بتظهر قيمتك عندهم ..

11) رمضان ماذا يمثل لكي ؟؟؟

رمضان الشهر الوحيد اللى هلاله جه بالخير والبركة لكل الناس ..وعلى الرغم من ان صلتنا
بربنا مش واقفة على شهر رمضان بس الا انى دايما فيه بستغل ايامه ولياليه لتغيير نفسى للاحسن ..
واغتنم لياليه لقراءة القرأن وختمه ..
وزى كل الناس بستعيد ذكريات الطفولة الجميلة والاهل واللمة الجميلة ..
وعلى فكرة عندى كل فوانيسى من وانا صغيرة .. فبتبقى مشاعر جميلة
خصوصا ان الايام مش بترجع تانى ..

12) في كل صلاة ماهو الطلب الذي تطلبينه دائما من الله غير ان يتوب عليكي ويجعل لكي الجنة

دايما اسأل الله ان يتقبل منى .. وان يسترنى دنيا واخرة
ويوفقنى فيمن يتقى الله فيا .. ويرحم موتى المسلمين ويغفر ليهم ..
ويحقق احلامى .. ويسعد جميع من احبهم .. امين يارب العالمين .

13) هل عندما تحزنين تفضفضين ام تكتمين في نفسك

اكتم فى نفسى .. لان كل شخص عنده همومه
ليه اتقل على غيرى ..

----------------------------------------------------------
يلا كفاااااااااااااااااية عليكي كده ام نشوووووووووفك يا جميـــــــــــــــــــــــــــل

هههههههههههههه .. اه كفاية يا طيبة
شكرا للفرصة الطيبة والاسئلة الجميلة
جزاكى الله خيرا يا قمراية