[ام علاء]

المكونات:
1/2 كيلو لحمة
2 بصله وسط مبشوره
3 بطاطس وسط مقطعه مكعبات صغيره
2 ملعقة زيت ذرة ولو عاوزه سمنه بلدى زى ما تحبى
ملح وفلفل وكمون واى بهارات انتى تحبيها

نبتدى كده باسم الله الرحمن الرحيم

نحط الزيت يسخن شويه وبعدين نحط البصل يتشوح لغاية ما يبقى لونه دهبى كده
وبعدين ننزل اللحمه ونسيبها تنزل ميتها شويه مع التقليب
نحط 1/2 كوب مايه صغير ونقلب اللحمه لغاية ما المايه تتشرب ( متحطوش كتير مش هنسلقها احنا )
لما المايه تتشرب نحط مايه زيها ونقلب برضه لغاية ما تبقى مستويه شويه كده
ننزل بقا البطاطس ونقلبها حلو مع اللحمه والبصل عشان الصوص يغطيها
نحط شويه مايه صغيرين برضه مع التقليب ونكرر كمان مره بعد ما المايه تتشرب

وبألف هنا وشفا بطاطس بطعم اللحمه تحفه والله
وهستنى دعوه حلوه فى الشهر الكريم ده

فى أمان الله