[منار على]

السلام عليكم استاذ اسامه
انا كنت كلمت حضرتك قبل كدا وسألتك عن موضو ع انى بكمل دبلومه تربوى ومديرى متشدد جدا و سألت حضرتك عن موضوع
هل فيه تسهيلات فى يوم او اكتر حضرتك قلتلى ساعتها الموضوع ودى بينى وبين مديرى المهم بما ان مديرى حد متشدد جدا وياريته مع الكل لكن للاسف مع ناس ناس الناس اللى بيرضوا غرور سيادته وبيقدموله فروض الولاء والطاعه وبينافقوه طبعا المهم وبما انى مش من النوعيه دى من الناس وبما انى كنت بدرس ومحتاجه على الاقل انى اتابع يوم فى الاسبوع فى الكليه وكان عندى امتحانات كتير فطبعا قفل عليا وخلص كل عارضاتى والحمد لله من شهر 3 اللى فات يعنى يادوب بعد ماخلصت امتحانات الترم الاول وانا معترضتش ومحاولتش حتى اقوله انت بتقفل او لا ليه لانى عارفه ان دا شغل وان دا حقه بس اللى يضايق بقى ان الحق دا بيستعمله مع ناس ناس والغريبه انه كان مضايق منى اوى مع العلم ان دا مقصرش اطلاقا على شغلى وحطنى فى دماغه ولما بقيت اغيب بقى يبعتلى تهديد مع زمايلى وانه هيحولنى للتحقيق وانى مقصره فى شغلى وانى بضيع الحصص على الولاد وطبعا لما اكتشف انه بيظهر بمظهر سخيف قدام الكل وانهم بيدافعوا عنى وانه مش عارف حاجه عن اللى بيحصل فى المدرسه لان اللى كان بيحصل واللى عرفه من زمايلى بعد اتهاماته بالتقصير انى كان عندى حصتين يوم الاحد كنت ببدلهم وديا للاربع فبفضى الحد اروح الكليه واشتغل كل حصصى باقى الايام ودا حل لجأتله لما خنقنى لانى كنت اخلص فترتى يوم الحد اجى استأذن منه بعد مااخلص حصصى وبموافقه المشرفين كان يقولى اغلب الايام لا كنت اجى اقدم اذن خروج يقولى لا فى نفس الوقت كانوا زمايلى الرجاله يفتحوا البوابه ويمشوا من غير حتى مايعرف انهم مشيوا واحيان كتير بموافقته وفيه فيهم اللى اقسم بالله كان يمشى قبل 10 من المدرسه المهم هو اعتبر من يومها انى بتحداه ودا مش حقيقى انا كنت بشوف مصلحتى فى نفس التوقيت مبقصرش فى شغلى لانه مضيقها عليها من غير اسباب لان محصلش بينى وبينه اى شىء شخصى حضرتك طبعا واى حد هيقرا هيقول اكيد فيه سبب لكن دا مش حقيقى كمان هو كان بيتعامل مع اغلب المدرسات وليس المدرسين بنفس الطريقه وكان جاى بمشاكل كتير جدا من المدرسه اللى جالنا منها وكان شاكى المدرسين والعكس وواخد جزا كمان وهما كمان بجد انا نفسى افهم هو ليه كدا مع ان محصلش بينى وبينه اى حاجه شخصيه كل اللى حصل ان خلال السنه حصلت مشكله بينى وبين ادارى المدرسه ووصلت للاداره واتحلت وديا وهو نفسه لما سألته مين الغلطان قالى هو وهو اللى خد بنفسه قرار بمنع اى تعامل مباشر بينى وبين الادارى دا المهم ان عارضاتى كلها خلصت وعندى يومين خصم وطبعا كنت عارفه ان سيادته احيانا بيمنع الاعتيادى بمزاجه وخلال الاجازه الصيفيه الا ان جبت لسيادته واسطه من حد ممكن ياثر ليه وعشان السنه الدبلومه تعدى على خير وسطت حد ليه تأثير عليه عشان يوافق على اسبوعين فى الاجازه وبعد الامتحانات اللى من حقى اصلا يعنى عشان اخد حقى اجبله واسطه حسبى الله ونعم الوكيل المهم الحمد لله عدت امتحاناتى وخلصت اجازتى ورجعت قبل امتحانات الملاحق وفى امتحانات الملاحق غبت يوم كمان لانى كنت تعبانه جدا مقدرتش اروح قفل عليا ورحت اقدمه اعتيادى بما ان ماليش عارضات وخدت يومين بالخصم موافقش سألته ليه قالى اصل فيه تعليمات من الاداره انه ممنوع كبرت دماغى فى الاسبوع اللى بعده على طول اسبوع ملاحق 6 وتالته اعدادى خلانا نحضراول 3 ايام واللى محضرش قفل ليه والغريبه بقى انه قبلهم اعتيادى لناس طب اشمعنى انا ؟؟؟ التالى بقى انهم فى الاسبوع دا قسموا بعض الاتنين على ان كل مجموعه تيجى يومين وانا فى مدرسته دى 3 ايام جيت اليومين بتوعى قفل عليا اليوم التالت مع ان كل اللى مجوش يومها مضوا بعدها وانا الوحيده اللى قفل عليا طب اشمعنى ؟؟؟؟؟؟؟ اصحابى قالولى ان سيادته مضايق منى عشان كل الملاحق سقطوا فى مادتى لانى طبعا من الناس اللى معروف عنهم ان ضد الغش واللى مش بترضى تهين نفسها وتطلع تغشش الطلبه وتبقى قدوه زباله ليهم وتعلمهم الغش اصلنا ناقصين ماكفايه اللى بيحصل فى مجتمعنا نتيجه القرف اللى كان بيحصل قبل كدا وتعليمنا البايظ وتنفيذنا للاوامر من غير ماتعدى على عقولنا ونعرف خطورتها على ولادنا طب انا زمبى ايه كنت اكتبلهم واطلع اغششهم عشان انول الرضا السامى المهم طبعا كدا بقوا يومين تانيين فى شهر واحد برضه بالخصم لانه مش موافق على الاعتيادى فسؤالى دلوقت هل دا ممكن ياثر عليا فى شغلى بعدين ؟ وهل من حقه انه يرفض انى اقدمهم اعتيادى ويوافق لغيرى ؟ وبما انى اتخنقت بجد من ظلم الراجل دا وافعاله ف ايه يحصلى لوقلتله كل اللى جوايا نحيته فى وشه وبهدلته قدام الكل والله اعلم بقى احتمال اخبطه بحاجه فى وشه ؟واسفه ان كنت طولت على حضرتك