الاحباط شئ يجعل الدنيا قاتمة فى أعيننا وكأننا لا نرى الا الطريق التى فقدناها ، ترفض كل أعضاءنا و جوارحنا الا أن تتعامل مع حلم واحد أو فكرة وحيدة ، و هذا يحرمنا أن نرى الكثير من الفرص التى أحياناً ما تكون بين أيدينا و للأسف لا نتنبه اليها الا بعد فوات الاوان ، فأرجو من السائلة أولا ألا تكون فريسة ذلك الشعور السيئ ، ثم عليها أن تتوكل على الله لكى ترى بنور الايمان ما قد تملكه حقاً و قد تنساه فى غمرة التمنى فهذه هى وظيفة الشيطان والعمل الذى توعدنا به فقال هذا اللعين :"لأمنينهم " "و أملى لهم" ، فلا داعى لأن تبكى على اللبن المسكوب ، فلن يجدى ذلك نفعاً ، فلا تستسلمى لليأس و انتفضى من مكانك لكى تفعلى ما هو صائب .
فى الواقع هنا أنتى أمام طريقان أعتقد أنهما الأفضل -حالياً- إما أنك تحولى أدبى و بذلك تحسينى من فرص تواجدك بكلية جيدة نسبياً ، أو أنك تبقين على ما أنتى عليه علمى علوم ، و تحاولى جاهدة أنك تيجبى مجموع عالى فى ثالثة فلو فرضنا انك جبتى 96 فى تالتة مع الـ 85 فى تانية مع الـ 1 % المستو الرفيع بكده تكونى تقريباً 91.5 % مجموع عام ، و لو ذاكرتى أكثر واجتهدتى يكون ان شاء الله أكتر، المهم لو جبتى علوم تمام والحمد لله على كل حال ، ولكن انتى ممكن تستهدفى كلية تربية عام أى قسم علوم زى أحياء أو كيمياء ، و أنا شايف انى كلية التربية هنا هتوفرلك حاجتين الأولى انها كلية مطلوبة للعمل وخصوصاً فى المرحلة القادمة و قد سمعت من البعض أن أمر التكليف سيرجع إليها مرة أخرى يعنى هتبقى ليها أهمية الشغل ، الحاجة التانية التى توفرها كلية التربية انك لو حبيتى تكملى بعد الكلية فى نفس تخصصك ممكن تاخدى السنتين الأخيرتين [الثالثة والرابعة] فى كلية العلوم ، و يبقى معاكى الكليتين مع بعض ، و الله أعلى و أعلم ، انتى أهم حاجة انك أولا استخيرى ربنا فى كل حاجة تقف معاكى ، و بعدين متبصيش على المواضيع من منظورها الضيق انتى عارفة لو دورتى هتلاقى ألف ألف مليون طريقة تحققى بيها أحلامك ، أنا شخصيا ممكن اذكر لك على الطريقتين الى فاتوا يمكن عشر افكار تانية بس مش عاوز أشتتك ، و لكن انا دايماً فى الخدمة لو احتجتى أى حاجة ابعتيلى رسالة على حسابى الخاص انا بحب الشغل أكتر على الفيس بوك عشان أدوات التواصل أكتر فيه ، أنا أكبر شوية من الموجدين فى الثانوية بس لفيت كتير و أعرف و لله الحمد كتير ، ختاماً ربنا معاك و زى ما قلتلك ما تحبطيش نفسك و خليها دايماً عل الله ، وكل عام و انتى و الموجدين معانا بألف صحة وخير ، والسلام عليكم ورحمة الله وبركاته .
 :07811 1rg3:
__________________
اذا هبت رياحك فاغتنمهـــــا فعقبى كل خافقـــة سكــــون
و لا تغفل عن الاحسان فيها فلا تدرى السكون متى يكــون
|