هو السؤال محير بصراحة وعموما المفاضلة دى عمرها ما بتحصل فى الواقع ...كده كأنك بتقارن بين الشمس ( الصديق ) والسماء ( الحبيب )
الصديق هو اللى بينورلنا سكتنا ويكشفلنا عيوبنا وعمره ما يتخلى عننا
اما الحبيب فهو - المفترض - انه يحمينا من اى يأس او الم
لكن فيه نقطة ؛ الحب حسب القلب والقلب متقلب يعنى الحب مستحيل تكونله صفة الديمومة لانه زى ما بييجى من غير ما تحس بيروح من غير ما تحس كمان المشاكل فى الحب بتكون لاتفه الاسباب انما الصداقة قوية مهما كانت المشاكل وهى الأبقى فى الحياة بس لما يكون الصديق صديق بمعنى الكلمة ؛مش عشان خرجت مع صاحبى ورحنا السينما او لعبنا كورة او اتصل بيا يسألنى عن امتحاناتى يبقى صديق ؛ الصديق ده شخص متغلغل جوا حياتك لاقصى مدى زيه زى اخوك بالظبط ( احيانا اكتر )
كل الرغى ده عشان اتوه وما اجاوبش على سؤالك
عموما بالنسبة ليا انا شخصيا هرمى نفسى قدام العربية وانقذهم هما الاتنين ...ا يه رأيك ؟