[أ/محمد ابراهيم]

امبارح رحت اشتري بطيخة .. البياع ما رضيش يبيع لي ... وبص لي بتجهم وقال لي :- لو عايز بطيخة روح هات مراتك تشتري ..
قلت له :- أنا مش متزوج
قال لي :- خلاص هات اختك أو أمك أو أي واحدة قريبتك ..تشتري

بصيت له باستغراب وقلت له :- ليه يعني ايه النظام الغريب ده
قال لي :- هو النظام كده من النهاردة .. انت عارف ان البطيخة أنثى وما ينفعش اسيب راجل ياخدها ويمشي ..لا يجوز

قعدت اضحك وقلت له :- انت أكيد تبع الكاميرا الخفية
..ههههههههههه ذيع ياعم ذيع خلي الناس تنبسط ..

راح قالب حواجبه ومطلع الرشاش من سيالة الجلابية ...
وقال لي :- احنا جماعة الأمر بالخرشوف والنهي عن المشمش .. نفذ الكلام وبطل لماضة ..

ساعتها بصراحة اقتنعت ... ونفذت الكلام