[إليزابيث]

ده موضوع حصل معايا
انا كنت مرة ف المدرسة بس ايه ف الابتدائي مش فاكرة يا فأولى يإما ف تانية يعني زمان اوي المهم اتخنقت مع ولد و انتو عارفين يعني ايه بنت تتخانق مع ولد يعني هروح البيت مضروبة او ممكن مروحش المهم بأى فالولد لمّها و انا ايه جعلت الخناقة خلصت لأ ده بأى قعد يهدد و يقول هستناكي بعد المدرسة انا ايه خفت جددددددااااااااا و الله كنت هعيط - مع العلم ان الواد هو بلطجي مش انا اللي جبانة منعا للفهم الخاطئ - فإيه هو ساق فيها لما لقيني ساكتالو و خايفة بس فكان في وحدة صحبتي يعني بتعرف تتصرف ف المواقف انا لخمة قالتلي انتي خايفة من ايه انتي كمان ابدئي هددي بس ايه على تقيل شوية فأنا بدأت بأى وقلتلو مبآش اسراء - اللي هيه انا - لو مجبتش بابا يشكي فيك ف المدرسة و لو مخليتهوش يئذي باباك ف الشغل المهم الواد خاف بأى طالما فيها تدخل من بابايا و هيوصل الموضوع لباباه و الله جالي يعتذر و قللي خلاص يا اسراء مش هنتخانق بس متقوليش لباباكي انا سقت فيها بصيتلو كام بصة و اديتو كام كلمة بعدين قلتلو خلاص من تحت اللسان كده و احرجتو قدام زمايله الولاد ايه دي كبيرة انه يعتذر لبنت و الله و رجعت منصورة ف الموقف مش مضروبة :av4056b b7jp3:
انا عرفت ساعتها ان التعامل مع الوقحين يكون العين بالعين و السن بالسن و البادي اظلم
معلش ع الرغي ده عشان انا مش بعرف احكي