[doha94]

المشاركة الأصلية كتبت بواسطة مريم السباعى

انا مش نفسى اموت علشان الثانوى ولا علشان اى شئ فى الوجود غير علشان بابا امنية حياتى كنت افرحه بمجموع او كية حلوة نظرة الفرحة فى عنية بتساوى مية حياة حتى لو مبينش حاجة قلى كلمته المعتادة مدام الواحد بيعمل الى عليه عمره ميزعل بس برضه حبقا حاسة انه حزين من جواه وساعتها يبقى الموت عندى افضل انا اسفة انى نكد عليكم كتير بس بجد انا جواياه حزين قوى ادعولى

يا حبيبتى احنا اخوااات هنا فضفضى لنا
بصى ياما ناس مدخلتش الكليات اللى هى عاوزاها واهلها اصدموا بس بقى اللى يثبت جدارته فى الكليه بتاعته اايا كان الكليه اللى دخلها

يعنى عندك مثلاااا اختى كانت النابغه بتاعت العيله وبابا كان عاوزها تدخل طب وجت فى تانيه جالها اللوز :D وجالها الزايده :D وخدت ابر بنسلين :D واتبهدلت جابت فى الاخر 89% حولولها ادبى وجابتهم هما هما فى تالته :D

واهى ما شاء الله دخلت اداب اعلام ومجلتها خدت امتياز هى والجروب بتاعها وبابا وماما راحوا الحفله بتاعت المناقشه بتاعتهم وفرحوا اوووى بيها كان ناقص يزغرطوا والله واب هناك عيط لما شاف بنته كده
واتكتب عنهم فى الجرنان وفى الوفد وفى اليوم السابع وطلعوا فى التلفزيون

مش مهم انك مش هتدخلى كليه عاوزاها المهم انك تفرحى اهلك منها