يانهااااااااار لم يبدأ بعد 
هى هتبقى كدا ولا إيه ؟
وبالسرعة دى كمان؟
الناس سعيده بأن فيه مصريين هربوا من البلد
وياترى هربوا ليه ؟
أكيد لأنهم كانوا بيؤيدوا شفيق ؟
استر يارب
ليكون ناويين بعد ما يطردوا كل مؤيدى شفيق
يبدأوا فى طرد مؤيدى حمدين 
طول عمرى بكره المركز التالت
وبعدين مؤيدى شفيق ناس قادره وركبوا طيارة ورحلوا لعالم السحر والجمال 
لكن أتباع حمدين المؤشفرين هيروحوا فين ؟
هى النوبة وحلايب تقدر تشيل 4مليون بأسرهم؟
ياريت حد من هناك يطمنا
وياترى هيرحلونا وحمدين هيسكت ؟
إتهيأ لى كدا إنه هيسكت
ماهى دى السياسة
يلا أهى هنا عيشة وهناك عيشة لحد ماتفرج ويمكن تجينا ست حريه ولا حتى خالتها ديمقراطية و تعوضنا عن غياب طنط نزيهه بنت عم المحروسة مواطنه
صحيح عيلة غريبة ماتسمعشى عنهم غير فى الميادين والمظاهرات أو فى البرلمان
وغير كدا أنست وشرفت ويجعله عامر 
__________________
إن من صلاح توبتك - أن تعرف ذنبك
وإن من صلاح عملك- أن ترفض عجبك
وإن من صلاح شكرك - أن تعرف تقصيرك
|