اقتباس:
المشاركة الأصلية كتبت بواسطة نسمات هادئة
يا استاذي انا دار الحوار التالي بيني وبين مدرس قديم في الازهر بيقولي انتوا الجماعة المتعينين جديد مش عارف مبتغششوش العيال ليه انتوا لولا الثورة كان زمانكم لسه متعاقدين وبعدين مفيش مدرس في الازهر بيدخل يشرح
رديت وقلت له حضرتك ممكن تكون بتتكلم عن نفسك في موضوع عدم الشرح ده لكن انا بما اني بشرح فلازم الاقي نتيجة تعبي ثم اننا واحنا متعاقدين مكناش بنغشش عارف ليه لان احنا جينا واتعينا بتقديرنا لكن انتوا معظمكم للاسف دبلومات او ثانوية ودافعين فلوس علشان تتعينوا انا مش عاوزه اطلع جيل تاني من المدرسين الفاشلين الي يدخلوا الفصل وميشرحوش وتتكرر المنظومة لقيته سكت منطقش ولا كلمة انا عارفه ان اسلوبي معاه كان حاد بس مكنش ينفع غير كده لان انا زهقت منهم انا بمنعي الغش بيحسسوني اني بعمل حاجة غلط وهما الصح او اني منبوذة من الجميع
|
الله ينور يا استاذة
نفس الكلام اللي بقوله بالضبط للكبار
استمري على نفس السياق ، فنحن من سنغير الأزهر