الجزء الثالث
الحلقه السادسه
ويشدنى العيل الاهبل زى البهيمه جوة الشقه وهو بيصرخ بصوته اللى زى صوت زماره القطر ويقول
والله امير ياماما ومعاه مزة قشطه
امير / مزة إيه يابهيمه ؛ دى الحته بتعتى !!
لوجين / مين ده ياامير هو ده اخوك؟؟
وماأظنش إن شبيهى فى العالم ده يكون ليه اخ كده ؛
دورين ومقدم على دور مخالف
بس ممكن يكون حرامى غسيل من العالم ده !!
وساعتها تهجم ست علي امير ؛ واول مايشوفها امير يجرى عليها ويقول بفرح
امير / ماما ؛ انا مش مصدق عينى
دى امى يالوجين ؛ أجمل أم فى الدنيا دى كلها
امى / كنت فين ياامير كل دى غيبه وسيبنى لوحدى
امير / والله ياامى انا نفسى مش عارف انا روحت فين ولا جيت هنا ازى
أنا إنكتبلى عمر جديد ونجيت ب اعجوبه من إدين الشبح وقابلت الريس
اخويه اللى معرفوش/ قابلت الريس ؛ فى حد شافك ؛ هتودينا فى داهيه الله يخرب بيتك
دول الثوار قلبين الدنيا عليه وأتريه هربان على شرم الشيخ بيصيف
وسايب البلد للبلطيه ترمح فيها
خلاها خرابه ؛ الله يخرب بيته
يبصله امير ويبص لأمه ويقولها
امير / والنبى ياامى قوليلى إن الاهبل ده مش اخويه ؛ ماهو مش معقول يكون اخويا ؛ ده فيه فرق احجام ما بينا
امى / سلامتك يامير ؛ انت ناسى ايمن اخوك
امير / طلع اخويا يالوجين ؛ انا دلوقتى بس عرفت ليه امير شبيهى ساب الدنيا وخلع
امير / انتى لسه فاكرة ياامى دى قربت تنام جمبى من التعب ؛ وإنتى ولا عبرتينى بفرخه ولا حتى كوبايه شاى ؛ دأنا لو قرد كنتى رمتيلى موزة؛
هو انا مش إبنك التايه ولا إيه
على العموم دى لوجين المزة بتعتى ؛ اقصد البنت اللى ........... بس
امى / عرفت إن إسمها لوجين
انا بقولك مين دى وجيبها هنا ليه ؟؟
اه .... دى قبلتها وهى تايها ياعينى وماشيه لوحدها فى الشارع وقاعده تقول ؛ يسقط يسقط حسنى مبارك
المهم هى حاجه ليها علاقه بالثورة اللى فى البلد دى والرئيس المخلوع الهربان بيصيف ده وسايبنى كده مش عارف استحمى بقالى شهر لما قربت اعفن
أخويا اللى معرفوش / قربت تعفن ؛ امال الريحه الفظيعه دى جايه منين ؛ دأنت عفنت خلاص ياإبنى هههههههه ؟؟
إنتى متأكده إن الواد ده اخويه
امى / ايوة ياامير قولتلك ده ايمن اخوك
امير / إللى زى ده عايزله كاتلوج علشان اعرف افتكرة وكمان اشغله
بصيله كويس ياأمى يمكن يكون حرامى غسيل!!
امى / حرام غسيل إيه بس ياأمير
ده ايمن اخوك
أمير / المهم انا ميت نوم ياامى هدخل انام شويه انا ولوجين ولما تجهزى الاكل إبقى صحينا
ياله يالوجين ننام فى الاوضه دى
رايح فين ياحلتها إنت والبنت دى
امير / شوفتى طيبه الام يالوجين مش عايزانى انام قبل ما اكل
امى/ اتفضل ادخل نام ياامير ؛ بس لوجين هتدخل تنام فى اوضتى
على العموم انا جعان نوم ومليش نفس للمناهده خالص
روحى معاها يالوجين وخلى بالك من الوش المفترس اللى هيكلك بعنيه ده
ويدخل امير ويرمى نفسه على السرير ويروح فى نوم عميق