اقتباس:
المشاركة الأصلية كتبت بواسطة صوت العقل
اولا .. جزاكم الله خيرا على وجهة النظر الرائعة .. اتفق مع حضرتك تماما فيها ..
انا برضو برفض اختيار الدكتور مرسى لهذا المنصب .. مش هننسى انه كان البديل يعنى من البداية .. فضل الاخوان الشاطر عليه .. وعندما حدث وخرج الشاطر نزل الدكتور مرسى .. ليس حبا فى مصر .. ولكن خوفا على المنصب فقط بدليل انهم من البداية اعلنوا عدم الترشح للمنصب ومن ثم دخلوا بالشاطر وبديله ..
من وجهة نظرى ان الحرية والعدالة هيحاولوا بكافة الطرق انجاح مرشحهم .. ومن فترة كنت قريت خبر ان الدكتور مرسى يرفض نظام المناظرات كالتى حدثت بين ابو الفتوح وعمرو موسى .. بحجة انها تحاكى ما يحدث فى امريكا .. طبعا حجة غير مقنعة لكنه نوع من الهروب من مواجهة مرشحوا الرئاسة الاخرين .. ومن وجهة نظرى ان المناظرات مفيدة بتظهر بعض جوانب شخصية المرشح وسرعة بديهته وعرض لافكاره .. وبالطبع هيبقى فى المناظرة بمفرده بدون مساعدة من حزبه .. وهنا هيكون ادائه فردى وده غير مطلوب ..
كمان استاذ تيتو اتعودنا ان اى مرشح اسلامى .. بيشوفوا انصاره انه حامى الحمى .. و انه الوحيد اللى هيطبق شرع ربنا .. زى ما يكون مفيش غيره .. زى ما حصل مع ابو اسماعيل وحاليا الدكتور مرسى .. ودى افتراءات على الدين وبتخلى الناس تاخد فكرة مخيفة عن الاسلام نتيجة للتصرفات التى تحدث باسمه .. واكيد انا معاك ان دايما التصريحات متغيرة على حسب وقتها وظروفها .. ما احنا حاليا بنسعى ورا المنصب مش وراء تطبيق الشريعة .. كما يقال للتلاعب بعقول البسطاء من الناس اللى شافت الظلم قبل كده وبتسعى للاسلاميين حتى لا يتكرر ما حدث فى السابق ..
اختلف مع الاخوان .. لكن اختار برضو من يطبق الشريعة .. اختارتهم سابقا عن اقتناع ولم يكونوا كما توقعنا .. غلبتهم الخلافات وتصفية الحسابات وبالتالى لن يلدغ المؤمن من الجحر مرتين ..لا يسعى بعضهم الا للمصالح الشخصية ..
وحقيقى صعب جدا ان يكون تيار واحد مسيطر على كل شئ .. امال ليه زعلنا من الحزب الوطنى سابقا ..
جزاكم الله خيرا على الموضوع الرائع .. اتمنى فعلا يستفيد من كلامك من لديه عقل .. |
للاسف اعجبتهم كثرتهم ,, واحنا من اعطاهم هذا الحق ,, لابد ان يكونوا واضحين لكى نثق فيهم مرة اخرى ,, الكلام ده مش هينفع معانا
وللاسف فعلا كل مرشح اسلامى مفكر انه خليفة الله على الارض
وبغيره المشروع الاسلامى مش هيتنفذ ,, وبينتقده حزب النور انه دعم ابو الفتوح لانهم كده هيفتتوا الاصوات ,,
بالزمة ده كلام ,, مين اللى هيفتت الاصوات اللى قال هترشح من اكثر من سنة وكان اكثر نضجا ووعيا واخرجوه من الجماعة لهذا السبب ولا اللى لهث وراء المنصب بعد ذلك واكتشف انه خطا ومن اخرجه من الجماعة هو الصواب والانضج سياسيا ,, ومش يصححوا الخطا ويدعموه !! لكن هذه هى المصلحة والتفكير الاوحد ,, لابد ان يعرف هو واى حد يخالف الجماعة وكأنهم انبياء الله لايجب مخالفتهم ,, انه بدونهم لن يكون له مكان فى الحياة ,, هناك حرب للاحوان على المنصب ومع الدكتور ابو الفتوح ,, الحرب الشخصية ,, وان شاء الله سينجح لكى يعلموا انهم ليسوا هم سبب نجاح اى شخص او فشله ,, انما السبب هو الله اولا ,, وحب الناس ثانيا ,,
اشكرك ياصوت واتفق معك الراى تماما
