[أم عمار قائد الأحرار]

المشاركة الأصلية كتبت بواسطة ArabianPDA

ثانيه بقي ..

اسف بجد علي كل الكومنتات الي فاتت
القصه دي تتعمل فلم والله جازاكي الله خيرااااااااا
وبجد يعجز اللسان عن وصفها
بجد بجد بجد ربنا يوفقك ويجعلها صدقه ليكي

لا عليك

أحترم رأيك جدااا


لكن كلام حضرتك اللي قولته كله ممكن يقوله حد من اتنين يا حد معصوم يا حد معصوم ^__^ الله المستعان


لن أطيل النفس ف الكلام


لكن أوضح لك أمرا بسيطا أولا الموضوع مش بيتكلم عن بنت بعينها وولد بعينه يعني مش لازم يكونو الولاد كلهم كده



ولكن الموضوع بيتكلم عن قضيه معينه بين السطور

لعل اخت أو أخ كان سيقع ف ذالك فيتراجع بسبب هذا الموضوع


النقطه التانيه دون إطاله واعذرني


لا يوجد شئ اسمه حدود وخصوصا من أناس معروف عنهم الخطأ وعدم العصمه


الله عزوجل لما قال ف قوله (وإذا سألتموهن متاعا فسألوهن من وراء حجاب)

بمعني اذا احتاج أحدهما للأخر ف ضروره فله ذالك من وراء حجاب

وقال الله بعدها( ذالكم أطهر لقلوبكم وقلوبهن)


أخي هذه الايات

نزلت ع الصحابه اللي هم المفروض حدودهم موجوده من غير حاجه

وده واضح لو حضرتك تتذكر عائشه لما مات النبي كانت بتدخل غرفتها عادي دون حجاب وتقول انما هو زوجي
فلما مات ابو بكر وكان قد اوصي أن يدفن بجوار النبي فلما دفن كانت تدخل أيضا دون حجاب فلما مات عمر ودفن بين صاحبيه
كانت تضع خمارها ع رأسها


سبحان الله ده كان حدودهم وحياءهم رغم رفعتهم

ورغم ذالك قال الله (أطهر لقلوبكم وقلوبهن)

فكرك يعني قلوب زي دي هيصبها ايه؟؟؟؟؟!!!!!!!


ورغم ذالك قال الله لهم ذالك


نيجي احنا بقي اللي لسه الله المستعان بنحبو ع الطريق ويمكن بنصلي الفرائض بالعافيه


ونقول مادام بينا حدود وكل واحد عارف حدوده خلاص يبقي مفيش مانع لما يبقي ف علاقات ماداام ف حدود



والله أخي كلها من خطوات الشيطان


الله عزوجل لم يقل ولا تتبعو الشيطان بل قال خطوات


لانه استحاله الشيطان يدخل لانسان قلبه طاهر مره واحده لازم الأول يمرضله قلبه علشان لما يأمره بحاجه بعدها ساعتها قلبه هيبقي أسير لأمور كان يحسبها ف البدايه ( عادي وفيها ايه)

الي أن أصبح أسير شهواته وهو لا يدري فهيبدأ يستجيب لما يأمره به هواه وشيطانه


معذره لاني تعبانه فيمكن كلامي يكون مش مظبوط حرفيا لكن أتمني يصلك مابين السطور

أصلح الله حالي وحالك


وجزيت خيرا ع مرورك




متضحكش على نفسك وتقول أنا عارف آخري!!

http://www.archive.org/download/www.goodwayinlife.com_788/dont_cheat_urself.WMV


ده مقطع كده بسيط خالص

ممكن يوصلك جزء من اللي عايزه أقولها


وجزاك الله مره ثانيه لانك أثرت نقطه كويسه


ربنا ينفعنا وإياك



ف حفظ الله