[*تائبة فى رحاب الله*]

على باب سفاره كندا لمحت ابليس وفى ايده استماره

بقوله ايه على فين ......... قالى بص ياهجره يا اعاره

انا كفرت الاقيش معاك سيجاره

يارجل انا خلاص لا بقيت وسواس ولا خناس

ولا ليا عيش وسط الناس

خلاص بقالى سنين عايش عاطل

وانتوا بتعرفوا تقلبوا الحق باطل

وتقتلوا القتيل وتسلكوا القاتل ومفيش مشاكل

خلاص انا مسافر مهاجر

ياراجل دا انا بقيت اوسوس بالمقلوب

اقول للحرامى مش هتوب

يعنى انت هتعمل كل الذنوب لوحدك

وانا ابليس اشتغل ايه واعظ ولا كمسرى فى اتوبيس

زمان كنت اقعد استنى حد وهو بياكل لقمته

دلوقتى بصراحه كل اكلكوا ملوث

والواحد بيخاف على صحته

دا مفيش ضمير اساسا علشان اموته

ياراجل دا من كتر ما لطشت معايا

مشيت مع الناس اللى بتقول كفايه

وبردو مفيش فايده

اذا كان الشيطان كفر من نظام مبارك واعوانه الشعب يعمل ايه