مع إن الإجابة متأخرة أوى بس يا رب ميكونش فيه مشكلة
لو حضرتك بصيتى على عنوان الباب خواص المياه الساكنة !
إنما فى المحيط غير طبعًا
أول درس حضرتك خدتيه فى الفيزياء فى أول ثانوى كان بيتكم على التقريب
بمعنى إن لو فيه فرق نسبة 1 من مليون مثلاً مثلاً لو فى حالة كوباية أو حوض طنشه
لكن فى حالة محيط و قارات و كده فالفرق لوحده ممكن يبهدل الدنيا
طيب الأقطاب قعلاً فيها جليد فى جبال فوق الأرض و تحت المياه
هل حضرتك درستى تأثير جبل تحت المياه بيثبت جليد طافى أعتقد لأ لأن ده محصلات قوى معقدة
و كمان نتكلم فى نقط بتجيب اختلافات كتير مش فى تصورك
الدنيا ديناميكية يعنى لو حطيتى تلج فى الميه هتسيح التلجة
طيب لو حطيتى مياه فى التلاجه هتلج اشمعنا ؟ شغل حرارة
بنفس المبدأ الجليد اللى فى القطب درجة حرارته منخفضة جدًا جدًا جدًا و بغض النظر انه
هيتلج أو مش هيتلج المياه فى سكته فهو بيعمل تيارات فى المياه و الهواء
مثلاً حضرتك درستى عند التقاء الهواء البارد مع الساخن هيحصل إعصار
طيب لو التقى ماء بارد مع ماء ساخن ايه ممكن يحصل
و لو اعتبرنا إن اللى بيحصل فى الوقت العادى مناوشات
فلو حصل حاجة فى الأقطاب فهى بمثابة إعلان حرب يعنى من الآخر انسى يا عمونا اجرى على حياتك
طيب ده نقطة مكانتش فى الاعتبار
فيه نقط تانية زى الملوحة ! إذا كانت المياه بتختلف من بحر لبحر ما بالك بحاجة زى قارة أو كتر ؟
و هل الملوحة بتأثر أكيد بتأثر و بتختلف لأسباب كتير أبسطها
التبخير و البخر اللى بيحصل عندنا مختلف عن اللى فى الأقطاب بسبب تعامد الشمس و الحوارات ده
طيب شوفى الصفحة ده برضه هتلاقى معلومات تفيدك بخصوص الموضوع ده
http://www.qalqilia.edu.ps/densitys.htm
حاجة أخيرة عشان اختم بيها
لو افترضنا إن عندى شط متكون من رمل و طين و هكذا و مياه مظبوطة على مستواه بالضبط
فى الأوقات العادية المياه هتعمل مد و جذر و رويدًا رويدًا بتلاقى إن الشط بينحسر
و أظن المعلومة ده معروفة لكن احنا بنتكلم على حاجة بطيئة
بالضبط زى إن احنا بنقول الهواء هيشيل جبل ! حاجة زى ده مستحيل تعيشها لا فعمرك و لا فى جيلك
لكن و آه من لكن الجيل اللى هيعيش الأحداث ده هيشوف مآسى
نرجع لموضوعنا شط و مياه و فى بينهم توازن و بعدين رحت جايب جردل طوب أو شحنة كبيرة
ورميتها فى المياه بس استنى لسة
المياه محطوطة فى حوض مسدود من اليمين الشمال فبكل القوة هتتجه ناحية اليابسة
و ارتفاع الأمواج فى الحالة ده بيبقى مضاعفات للكتلة اللى انت حاططها
تخيلت ؟ أهو حضرتك للتو تخيلتى ازاى بيحصل تسونامى
طيب احنا اتفقنا إن مش كل جليد القطب طاف على المياه فيه مسنود على صفائح تكتوكية جبال مثلاً
زائد الحرارة هتعمل أحلى شغل الكتل اللى هتقع هتعمل حاجة فوق مستوى التسونامى
و أظن حضرتك شوفت الكوارث الناتجة من التسونامى ده بقى ممكن تحصل لكله كله فعلاً هتوصله الكارثة
ربنا يحفظنا بس حاجة زى ده لا يمكن تحصل إلا فى أحداث النهاية
مثلاً دولة زى هولاندا لو وصلها المياه يبقى خلاص المياه مش هتطلع مع السلامة
و المياه بالأحجام ده هتعمل حركة خطيرة فى إنها مش بس هتعلى منسوبها بنسبة بسيطة
لأ ده كمان هتقلل مستوى الشواطىء لأنها هتجرف كميات مهولة من الشواطىء
و هكذا تستمر المأسى
و لو لاحظتى حضرتك هى فعلاً هتحصل ورا بعضها و ربنا يستر علينا
و هتلاقى حجات غير اللى قولته كتير و أتحدى حد يجاوب إجابة كاملة
بس ده مجرد تفتيح أفكار لحضرتك إن مش كل الفيزياء كتاب تالتة ثانوى
و على فكرة سؤال حلو بجد
و ربنا يحسن خاتمتنا كلنا يا رب
بالتوفيق ،،،،،،،