[aymaan noor]

المشاركة الأصلية كتبت بواسطة highlight

السلام عليكم و رحمة الله و بركاته

انا زعلانة بجد من كل الناس اللى قررت تسيب المنتدى و تمشى منه
حقيقى يا جماعة المنتدى جميل جدا و ممتاز
ومن اكتر المنتديات رقيا ووالله مش مجاملة خالص
انتوا لو دخلتوا منتديات تانية و شفتوا الاهمال فيها عامل ازاى
هتعرفوا انكوا فى مكان مميز بجد

فى اقسام كتير جدا فى المنتدى و كل قسم فيه مواضيع تضم معلومات رائعة
و النقاش بين الاعضاء باسلوب راقى حقيقى

و المنتدى مش بيسمح باى مخافة و فيه مشرفين فعلا جزاهم الله خيرا على المجهود اللى بيعملوه
عشان يفضل المنتدى بالاسلوب الراقى ده

و حقيقى المنتدى هنا اسرة كبيرة جدا و اذا فى ناس بيتلخص وجودها فى قسم اجتماعيات طالب فا دا كفاية جدا انه يثبت الصداقة اللى بيجمع عدد كبير من الشباب و بينهم قاسم مشترك هو التعليم و مشاكله

و دايما اى حد عنده سؤال بيلاقى كل الناس يتجرى و تتسابق انه ترد عليه و تقدمله نصيحة و افضل نصيحة ممكن يقدمها

و كان وجودى هنا فى القسم ده من موضوع طلبت فيه مساعدة انى مش عارفة انام d:
الناس بجد فضلت معايا للاخر.... و بقى ساعات نومى تعدى اال 16 ساعة دلوقتى
ومن ساعتها اجتماعيات طالب بقى افضل مكان ليا و احب اتناقش فيه و من هنا عرفت اصدقاء عسل و زى الفل بجد و ناس قمة فى الاحترام
وبقى بنا فى صداقة قوية جدا

وبجد كنت احب ادخل المنتدى لما ببقى مخنوقة
و اتكلم مع الناس هنا و مش بتضايق خالص لما ابقى متضايقة و ادخل اشوف ايه اللى مزعل الناس
لا بجد حاجة كانت بتخلينى افرح انى قدرت اساعد ااو اقدم نصيحة لحد و لو بمقدار صغير جدا

فى اعضاء هنا مبدعين بينزلوا مواضيع و اعمال شعر او رسم او برامج كمبيوتر او العاب و حاجات مميزة جدا

ومنها تتعرف على ناس جديدة وتكون صاداقات مع ناس كتير

صدقوووووووووونى فى حاجات جميلة جدا فى المنتدى
انتشروا فيه و انا بجد بتعب من كتر الصفحات اللى بفتحها من كتر ما اسم الموضوع بس جذاب و ببقى عايزة اقراه و اقعد اقرا التعليقات و مش بمل ابدا

و من الاخر بقى اللى هيفكر يسيب المنتدى ده ...يومه مش معدى
و هتكون نهايته كده


يلا بقى خليكوا قاعدين

موضوع رائع جدا كعادتك دائما
جزاك الله خيرا و بارك الله فيكم