[شموخ مسلمة]

انا بقى هقول موقف حصل لى بس مش النهاردة هو من فترة بس موقف مضجك و غريب جدااااااااااااااا

انا كنت راكبة فى يوم عربية مواصلات فواحدة و ابنها ركبو _ابنها صغير يعنى 3او4سنين_ المهم الام وقفت الطفل جنبى فانا مسكته عشان مش يخاف و مش يقع المهم بعد شوية الام كانت المفروض تنزل فبتهزر معاه بتقوله خليك معاها بقى فالولد راح ماسك فيا و مش رضى ينزل و بعدين لما نزلت بتقوله تعالى يا حبيبى و هو ابدا و مسكنى جامد و مش رضى يسيبنى نهائى فالناس اللى فى العربية خدوه غصبن عنه و نزلوه و هو قعد يعيط

انا كل اللى عملته انى كنت مصدومة و فى نفس الوقت صعب عليا الولد اوى اوى و كان راكب معايا واحدة صاحبتى طبعا مش قادرة تمسك نفسها عن الضحك و المشكلة ان كان فى شباب فى العربية فكان منظرى تحفة .كل اللى فى العربية قعدو يبصو عليا

و برده موقف مشابه ركبت عربية كان فيها واحدة منتقبة و ماسكة بنتها صغيرة برده فانا اول ماركبت البنت مسكت فيا و قعدت تقول ماما........ماما
المضحك فى الموقف ان مامتها كانت لابسة نقاب اسود و انا لابسة نقاب رصاصى
و اللى يضحك اكتر ان مامتها كانت ماسكاها

بس صراحة موقفين عمرى ما هنساهم لان منظرى فى الاتنين قدام اللى راكبين كان تحفة