[LoOoLy El Treikawya]

المشاركة الأصلية كتبت بواسطة عاشق البلانكو الابيض

مااشى والله قلبى ابيض وصافى وزملكاوى

هى المغامرات خصلت ولا ايه

حضرتك حلفت؟ اللهم اني بريئة منك

هههههه اه لسة فيه مغامرات طبعا

ايه رايكو نرجع المنيا تاني كفايا جرجا كدا

فاكر حضرتك المكان اللي قلت ان سارة جريت ورا القطة فيه ولقت ايد سودا

مرة تاني عمو بهاء (والد احمد وادهم ) كان ساكن فوقينا

وفوق السطح عامل عشة كبيرة فيها طيور وارانب

المهم ديك رومي طار من عندهم ووقف على سور المكان دا

وبعدين طار تاني ودخل جواه

فنزلنا انا واسلام وسارة وأدهم نجيبه

المهم المكان دة كبير اووي وفيه اوض وحمامات وعليه حرس من برة
واصلا هو بتركن فيه العربيات الكبيرة

بس البوابة موجودة بعيد من الناحية التانية عكس بيتنا

فلما دخلنا المكان دا فيه فوقينا شجر كتير وبعدين لقينا طوب بيقع علينا افتكرنا احمد بيرمي علينا من فوق اسلام زعق فيه

والطوب زاد اوي مكناش عارفين نمشي ومش عارفين جاي منين

لحد ما لقينا الحرس اللي برة دخلوا يقولو انتو بترمو علينا طوب ليه

قلنالهم مش رمينا حاجة دة كان حد بيرمي علينا احنا كمان

راحو قالولنا طب اخرجوا وكدا

وبعدين اسلام طلع فوق بيزعق لاحمد وبيقوللو بترمي طوب ليه كان هو وعمو بهاء
قال انا مرمتش حاجة وعمو قال هو كان معايا اصلا وبعدين هو حتى لو رمي مكنش الطوب هيوصل لحد الحرس اللي من الناحية التانية

بث كدا روحنا سبنا الديك تاكله العفاريت ومروحناش تاني