اقتباس:
المشاركة الأصلية كتبت بواسطة mostafa salim
السلام عليكم رحمة الله و بركاته
بداية اللى مش واثق فى نفسه او اللى فى سنة تانية بلاش يكمل الموضوع مع احترامنا للجميع لكن حفاظا على معنوياتكم مرتفعة واملكم قائم على حاله
الحمد لله مجموعى السنة اللى فاتت 99 لله الحمد و الشكر
السنه دى تالتة .. احياء
عندى مشكلة زى السنة اللى فاتت ..عدم الثقة و السبب
-اسف للاطالة- المهم
فى اول السنة طبعا كان رمضان مكنتش مهتم قوى عشان مش كل الدروس بدأت و عشان مشكلة صحية و ممكن ثقة زايدة برضه الحمد لله الموضع عدى
بس السنة كلها مش عارف اذاكر باتقان و مش مركز تماما مش بحفظ بالنص زى السنة اللى فاتت
مش منظم وقتى خالص و حاسس انى ماذاكرتش حاجة طول السنة و دة بيخلينى اتجنب المذاكرة من اساسها .... و بيخلينى متشاااااائم و بحس ان خلاص الامتحانات خلصت و النتيجة طلعت و لاقدر الله ما دخلتش الكلية اللى نفسى فيها آآآه الم انك تحس انك بتقضى على نفسك بايدك
واخيرا يبقى خلاصة القول:: -ارجو من زملائى المساعدة ببعض النصائح عن تنظيم القت و ياريت لو تقول نظامك..
2 انا فقدت الاحساس باى متعة للحياة طول الوقت متضايق و خايف من انى ماذاكرتش كويس اول السنة.. خايف على اهلى لو لا قدر الله مجموعى و قد ايه هيزعلوا عليا و منى ...آه ربنا يسترها -- نوع من الفضفضة-
وشكرا و لو اى حد عاوز نصيحة فى اى حاجة تانية انا موجود
|
اولا احب اوضح ان انا لسه سنة تانية يعني معرفش مجموعي هيبقى ايه
بس هقولك ع نصيحة لو عجبتك اعملها ولو انت شايف حاجة غلط فيها يا ريت تصلحهاي
1- عمرك ماهتذاكر طول مانت متشائم انشى التشاؤم ده اصلا
2-في معلومة لازم تكون عارفها ان لو انت فكرت ف ان الحاجات الوحشة هي اللي هتحصل واقنعت عقلك بده هيحصل حاجتين اللي حاجة اللي انت تخيلتها دي هتحصل فعلا و كمان هتشحن نفسك بطاقة سلبية مش هتخليك تقدر تذاكر اصلا و هتبعدك عن هدفك
اللي بتقوله لعقلك وترسمله صورة ف خيالك هو اللي بيحصل ف خلي الصورة اللي بالك صورة النجاح وانك هتجيب مجموع عالي ان شاء الله و ده هيفرح اهلك كمان
3-بالنسبة لتنظيم الوقت في جدول ممكن يناسب معظم الناس
طبعا مش كل الناس بتروح المدرسة انت ممكن تصحى الساعة 4.5 او 5 الفجر تصلي الفجر و تبدأمذاكرة
ممكن اول درس يكون عندك من الساعة 1 او 2 هيكون عندك حوالي 6 او 7 ساعات مذاكرة الصبح اظن كويسين ولو انت كنت بتخلص دروس مثلا الساعة 5 او 6 هيكون عندك مثلا من 7 لغاية 10 او 11 بليل مذاكرة كده انت ممكن تقفل 10 ساعات لو قللت النوم شوية و بعدت عن النت والموبايل و بلاش خروج كتير مع اصحابك انت لو مشيت ع الجدول ده ال3 شهور اللي باقيين والله هتقدر تلم المناهج كلها و تجيب 99 زي السنة اللي فاتت باذن الله (ممكن الجدول مايكونش متظبط اوي مع مواعيد دروسك بس انت تقدر تعمله حسب مواعيدك ان شاء الله)
كمان لازم تخلي ثقتك بربنا كبيرة اوي ومش ليها حدود واتأكد ان ربنا ان شاء الله هيديك الخير كله طالما انك بتجتهد و بتتعب
وبعدين فكر ف الحاجات الكويسة كلها 4 او 5 شهور وتدخل الكلية اللي انت عاوزهاوتبقى خلصت من جزء كبير و مهم وضغط كبير ع نفسك هو نك خلصت من حاجة اسمها ثانوية عامة (فات الكتير مش باقي الا القليل)
اسفة ع الاطالة بس يا رب يا رب نصايحي تكون مفيده و تقدر تنفعك ان شاء الله وكمان كام شهر نباركلك و نقولك يا دكتور ونضرب تعظيم سلام كمان
اتمنالك التوفيق و لكل الناس اللي ف ثانوية وماتنسوش الدعاء
يااااااااااااااا رب وفقني و وفق كل الناس وكل واحد يوصل للي هو عاوزه