[صفــاء الروح]

المشاركة الأصلية كتبت بواسطة ArabianPDA

في رأيي انا شايف الفيزيا اسهل واجمل ماده في ال12 سنه الي قعدتهم علام بصراحه ...

بخصوص المذاكره بصي انا هجيبلك من الآخر عشان كوووول كتب الفيزيا كانت عندي مشهوره مش مشهوره
احسن كتاب تذاكري منه في رأيي المثالي لأنه بجد تثقي في كل حرف فيه
لو لقيتيه معقد شوفي الوسام او المعلم بس خلييييي بالك
المعلم سيبك منه في فصل الموائع المتحركه وذاكريه من اي كتاب تاني لأنه بجد مهيس تهييس السنين فيه لكن باقي الفصول بقولك
اضمنهولك بصراحه وبرضه الليزر بصي في حته الهولوجرام في كتاب الوزاره او اي كتاب تاني

كده وكده يعني بصراحه فيهم اسئله ملهاش تلاتين لازمه والي بيحط الامتحان ويجيب منهم عارف ان الناس بتحفظ مش بتفهم وتخش تدش منه
لكن فيه اسئله عايزه تشغيل دماغ فعلاً انصحك تبصي علي 100 سؤال بتوع الكتاب يمكن الراجل يتخبط في دماغه ويجيبهم

الوسام لو قدرتي عليه اضمني ان لو جابك امتحان اسخن من 2008 هتقفليه انا بقولك اهو في في الوسام مسائل صاروخيه
ومش موجوده في اي كتاب تاني بصراحه وتقيله بجد وافكار كويسه جدااااااا
فنصيحه ركزي علي مصدرين الامتحان عشان مسائله هيا المتداوله وسهله يعني حتي اسئله المتفوقين مفيهومش غير كانو 4 اسئله الي صعبين فعلا لكن الباقي هايف
والوسام ومتحليش كله متغلطيش غلطه ناس كتير انتي تقري المسأله حسيتي انك شفتي فكرتها سيبيها شفتي فكره جديده حليها وعلمي عليها بالقلم او ايا كان بحيث قبل الامتحان تبصي فيهم مجرد تذكره بطرق الحل لأن قبل الامتحان القلق هيخليكي تهييسي شويه فعشان تطمني نفسك بصي في الطرق واقريها براحه عشان تهدي نفسك بس لأن صدقيني اهم حاجه في امتحان الفيزيا سواء صعب او عبيط الهدوء مش اكتر ..

بالتوفيق

بارك الله فيك
أنا جبت المثالي كتاب كويس هذاكر الشرح منه واحل من الوسام والامتحان على قد ما أقدر..وربنا يسهل