[Engineer ..]

المشاركة الأصلية كتبت بواسطة ahmed doula

اولا كل سنه وانتو طيبين

ثانيا مش هحبطكتوا زى كل مره هما بؤين عايز اقولهم متخافوش

هييييييييييييييييييييييه استعنا ع الشقا بالله

بصووم بقى

طبعا كلنا بدأنا الاستاتيكا طبعا انا عن نفسى هخلصها الاسبوع ده ( فى الدرس طبعا انا محتاس فيها اصلا)

وما ادراكم ما الاستاتيكا للاسف (طبعا الكلام موجه لعلمى رياضه من البدايه)

انا مش هرغى كتير عشان يبقى ليكو نفس تقروا الموضوع

لكن انتو مش ملاحوظين انها ماده موبالاغ فيها شويه ... شويتين كده

كلها بتعتمد على قواعد من اعدادى زى التشابه والمثلثات الغريبه العجيبه اللى بتلخبط دى

طب والنبى المفروض نعمل ايه يعنى نراجع على منهج اعدادى واولى وتانيه مثلا؟!!

انا وقفت قصادى مساله اخواتى الصغيرين اللى ف اعدادى كانوا عارفين القانون اللى بيحلها وانا لا

بزمتكم ده يبقى طالب فى علمى رياضه وعايز يدخل هندسه ويبقى بشمهندز ازاى؟؟

ه غير العزوم والمتجهات اللى بتعتمد على درس كنا المفروض ناخده ف اولى ثانوى بس اتلغى من سنين ده على كلام الاستاذ

هو انا مال اهلى يعنى؟؟ ماتشيلوه وخلاص ... او رجعوه ف اولى طيب... اللى بيعملو المناهج دول بياعين فل وحياه ربنا.........

خلاص الكلام انا كنت عايز اسال بتتصرفوا فى الماده دى ازاى؟؟

مش عشان اعمل زيكو ماعاذ الله انا شكلى هسقط اصلا

بطمن بس

ـ بص يا أحمد أنا هرد عليك بما اني منفوخ ميكانيكا أول وجبت فيها جيد بالعافية في الكلية
ـ أولاً الحمد لله في الثانوية العامة أيام العز أنا كنت فاهم استاتيكا وديناميكا كويس وقفلت امتحاناتها كلها وبتاع أخر السنة اللي هو كان عبيط ده
لكن عشان اقولك بصراحة """""""" الميكانيكا المادة الأهم في الرياضة لأنها تطبيق """"""""" وطبعاً لا ننكر فضل الباقي (تفاضل وتكامل وجبر ـ وهندسة تحليلية مش عندك دي ـ) لكن من وجهة نظري الميكانيكا دي علم بجد رائع جداً بتفهم بيه اتزان الجسم و شروط اتزانه في المستوى (3 ثانوي) وفي الفراغ فيما بعد ذلك , و العزوم دي متعة والله ( هل هي قدرة الجسم على احداث دوران بنفسه ؟ ولا قدرة القوة على احداث دوران في الجسم ؟) والإزدواج يعتبر مراجعة للأشكال الهندسية و العزوم .
بالنسبة لمذاكرة الإستاتيكا
ـ أولاً الأبواب
انت عندك الباب الأول ده هايف جداً ويعتبر مقدمة بس الباب التاني ركز على مسائل اتزان القضبان المعلقة بخيط دي جميلة جداً و الباب التالت الى الأخر كله عزوم بس قسمين متجهات و عزوم مستوية ...
ـ هتعمل ايه بئه لما تيجي تذاكرها ؟
مفيش حاجه اسمها الباب الفلاني المادة اسمها استاتيكا ـ دا بفرض اننا لسه منعرفش يعني ايه ديناميكـا ـ يعني تذاكر المادة على بعضها كقسمين متجهات و مستوى مسائل اشكال هندسية ومسائل متجهات وبس يا سيدي كده هترتاح وتخلصها بسهولة ..
بالنسبة للأشكال الهندسية انت غصب عنك أصلاً مطالب برياضة منذ أن جئت الى هذه الدنيا (جامده الحتة دي)
نظرية فيثابورص و ائليدس و المثلث ال(30|60 ) والشكل المسدس و شبه المنحرف (جامد ده) و شوية نظريات بئه كده حلوة زيك بس ناسيها دلوقتي لأني بستخدم أعلى منها شوية بس هي الأصل طبعاً طبعاً..
فهمت حاجه ؟