قصة طريفة اعجبتنى {كلام الناس}
يحكى ان كان هناك رجل يسير هو وابنه الصغير وحماره وذاهبان الى العمل
فكان الرجل يركب الحمار ويمشى بجانبه ابنه الصغير
فقابلوا مجموعة من الناس .. فقالوا الناس " شوفتوا الراجل المفترى ازاى يركب هو ع الحمار ويستريح وسايب ابنه الصغير ماشى على الارض كده .. لا حول ولا قوه الا بالله "
فنزل الرجل من على الحمار وركب ابنه الصغير واكملو الطريق حتى جاء اناس اخروون قالوا " شوفتوا الواد راكب ع الحمار وسايب ابوه العجوز ماشى ع الارض ده معدش فى رحمه فى الزمن ده خالص .. لا حول ولا قوه الا بالله "
فركب الرجل هو وابنه على الحمار واكملو الطريق .. وقابلوا أناس اخرين .. قالوا " شوفتوا الراجل هو وابنه راكبين ع الحمار .. هما فاكرين الحمار ده ايه مبيحسش ؟؟ ربنا هيحسبهم على كده .. لا حول ولا قوه الا بالله "
فنزل الرجل من على الحمار وانزل ابنه ايضا وساروا واكملو الطريق .. وقال الناس " طب اييية لزمة الحمار مانتوا ماشين على الارض كلكم ومحدش راكب عليه .. ولا لازم تتعبوا الحمار وخلاص .. لا حول ولا قوه الا بالله "
فحمل الرجل الحمار هو وابنه واكملوا الطريق ... فلما رأى الناس هذا قالوا .." الراجل اتجنن .. لا حول ولا قوه الا بالله "
لا تهتم ابدا بكلام الناس .. فلكى تنل اعجاب الناس امر محال
بل اعمل فقط على ان تنال رضا الله هذا هو المهم
|