طب اعمل ايه ؟؟؟؟؟؟؟؟؟ حسبي الله ونعم الوكيل
طب اعمل ايه
شايفة كل اللي بيحصل حواليا و مش قادرة اعمل حاجة
انا حاسة ان كل اللي ماتو دول اخواتي والله زعلانه عليهم جدا وزعلانة اكتر ع مصر اللي عماله تنزل و تدبح و تتسرق وشبابها يموت و كل المتسببين ف ده معروفين و دلوقتي شمتانين فينا
من ساعة احداث امبارح وانا عماله اتابعها مش قادرة اعمل اي حاجة
شايفة بلدي بتنهار قدام عيني شايفة حاميها حراميها و كل مانطلع من حفرة نقع ف واحده اكبر منها
مخطط ضدنا عمال يتنفذ بالحرف السنه اللي فاتت زي انهارده اخواتنا ماتو ف موقعة الجمل والسنادي ماتو ف ماتش كورة
الخطة ماشية ف الطريق اللي مرسوم ليها بالظبط (خطة تدمير مصر و تدمير الثورة)
اعمل ايه وانا شايفة ناس كتير حواليا مش مهتمين بيعدو القتلى كل يوم ونقول 100 شهيد لأ 200 لأ الف لأ ...........
ومش حاسين ان الخطة دي ممكن تتنفذ تاني وتالت ورابع كمان ممكن يكون ضحيتها انا او اخويا او .................
كل حادثة بتحصل نزعل شوية ونقول شعارات وطبعا مش بننسى نقول عدد الشهداء الشباب زاد كام
يا ريت كل واحد يقول نعمل ايه انا وانت وغيرنا كتير شايفين كل ده بعينهم ومش ف ايدهم اي حاجة غيرر انهم يدعو يا رب احمي مصر
واخيرا (يا ريت ندعي لكل شهيد بجد مش بلطجي ونقول شهيد ندعي لكل واحد مات من غير اي ذنب)
وندعي لمصر لمصر ربنا يخلصها من كل فاسد
وحسبي الله و نعم الوكيل
|