[الغيورة على الدين]

السلام عليكم ورحمة الله وبركاته ازيكم ياحبيباتى اختى المهوسة بنقابها ايه اخبارك مع النقاب وايه اخبار النقاب معكى احكى لنا وادعيلى ان ربنا يثبتنى ويفرج كربى ويهديلى نفسى واختى الغيورة على دينها وحشتنى ايه اخبارك

وعليكم السلام ياقمر

انا بخير الحمد لله

شو أخبارك انتِ ؟؟

ان شاء الله حزب النور يفوز

يااااااااااااارب

سلام عليكم ورحمة الله وبركاته انا اختك ف الله سمر
هحكى لك قصتى مع النقاب اولا انا بنوتة واحدة وسط ولدين بابا طبعا متعلق بيا اوى اوى اوى لفوق ماتتخيلى
وهو وماما مش ملتزمين اوى يعنى اسره عادية خالص وانا ف 6 ابتدائى صاحبتى قالت لى تعالى نروح المسجد قلت اروح اجرب وكدة ورحت الحمد لله وانا ف 3 اعدادى طلع ف دماغى موضوع النقاب لقيت بنوتة ماشاء الله عليها ف 1 اعدادى ولا بساه قلت لنفسى ليه انا ماابقاش زيها سبحان الله يعنى هى اصغر منى وعندها همه اكبر منى طبعا انا كنت عارفه ان الجدال مع بابا مش هيبيقى سهل خالص بطبيعه عمله كمان صعب يوافق على الموضوع دة مع العلم انى عااااااااااانيت كتيييييييير عشان البس الملحفة بس الحمد لله استعنت بالله وربنا وفقنى
ف الأجازة اللى قبل اولى ثانوى قبل رمضان بكام يوم اتفرجت على قناه الرحمه وحسيت ان قلبى بيدق جامد اوى اوى ورحت لبابا قالى عاوزة حاجه ياحببتى دايما كنت برد عليه عاوزة سلامتك يابابا بس المرة دى قلت له اه يابابا قال لى ايه قلت له عاوزة البس النقاب سكت شووية كدة وقال لى انتى لسه صغيرة وانا اصلا كنت فاتحته قبل كدة بس رفض برضو بس المرة دى انا استعنت بربنا ودعيته انه يوفقنى المهم تانى يوم قلت له انا عاوزة البسه اول يوم ف رمضان بالله عليك يابابا قال لى انتى للسه صغيره وهتزهقى قلت له لأ يابابا انا ان شاء الله مش هرجع عن كلامى المهم بعد عناااااء وافق الحمد لله اول ماعرفت اتصلت بخالتو اللى بتحفظنى ف المسجد ربنا يكرمها يارب ويجازيها عننا كل خيييييييير
المهم هى جابت لى النقاب وخلتها تلبسه لى وروحت البيت جيت بقى بالليل وانا نازله التراويح خرجت اوريهلهم بحسن نيه والله بس للأسف لقيته بص لى كدة وقال لى اقلعى البتاع دة انا مش بحب المنتقبات دول ومش عاوز بنتى تبقى منهم وفعلا قلعته .....
بس الحمدلله يوم ماقلعته تانى حسيت انى عاوزة البسه اكتر م الاول خرجت للتراويح وقعدت اعيط كتير ف الصلام ورجعت البيت بابا قال لى معلش ماتزعليش ولو عاوزة تلبسيه براحتك بس انا مش راضى .........
طبعا دى كانت عزومة مراكبيه يعنى بيقولها كدة عشان مش يزعلنى المهم انا بقى ماكدبتش خبر تانى يوم رحت اشتريت واحد تانى ولبسته ف المحل ورجعت له بيه وقلت له مش هقلعه تااااااااااانى والحمد لله من يومها بقالى سنتين اهو لابساه فعلا احلى شئ ان البنوتة تحس انها ماشية ساترة نفسها وماحدش هيقدر يحس الإحساس دة غير اللى جربه فعلااااا

وعليكم السلام ورحمة الله

ما شاء الله ثبتكِ الله يا سمسة


ويسر لكِ أمورك

وماتنستش تكوني داعية بأخلاقك أهم شئ

وتابعي معنا ولا تغيبي علينا

بارك الله فيكِ