[أ/رضا عطيه]

من أنا؟؟

أنا القاطن فى نجع الغلب والمروالشًّقى

أنا اللى ليل ونهار بقول إمتى تتعدًّل بقى

ومرتبى يخطى الألف ومعاه يحلى اللقى

لأنه كدا بصراحة لايوم أكِّل ولايوم سقى





أنا اللى طول عمر ى بكره المتفرعن وعامل بالكذب كبير

وسايبنى فى عز البرد عريان ويلبس هو الصو ف والحرير

ويهد الدنيا على دماغى علشان نفسه يبقى ريِّس أو وزير

لايهمه أهاتى ولاحتى حياتى المهم أحلامه تتنفِّذ لو بالتزوير




عانيت ولسه بعانى والماضى زى الحاضر

ويقولوا بكره أحسن والنهاردة أنا مش قادر

هيتوصوا بيا فى المعاشات أوجبران خاطر

بنسأل ربنا فى حق النشوق وع الهم صابر






علشان عيون الوطن دا هنصبر ولو هنجوع

لكن أعمل إيه والباطل اللى صوته مسموع

وماعاد زغللة عنيه غير كفن حواليه شموع

يعنى أسلم ياناس ولا أرفض أعيش مخدوع؟




إمتى هلاقى حد يتقى ربِّنا ويعلِّى مطالبى

ويتنازل شويِّة عن طموحاته ويرحم غلبى

والفسادكله على دماغى وكأنه كان ذنبى

الله هو العاطى الوهاب هو نصيرى وحسبى





والشكوى لغير الله مذلًّة


الحمد لله رب العلمين

وحسبنا الله ونعم الوكيل