[أ/رضا عطيه]

رساله إلى الشعب المصرى
(لاتنخدعوا بمن يوهموكم بالصندوق
أنتم شعب طيب صحيح لكن جاهل وبينضحك عليكم ومش عارفين مصلحتكم فين واحنا بس اللى عارفنها كويس!!!! -
نداء:لازم تؤيدونا وتساندونا بس بشرط بلاش تجيبوا سيرة الصندوق والبندوق دى الله يخليكم علشان بتعمل لنا ارتكاريا وبتضحك الناس علينا )

وإليكم هذا النبأ العاجل (تصفيييييييييق )



--------------------------------------------------------
35شخصية عامة تعلن تشكيل لجنة "تصحيح مسار الثورة" اليوم

الأحد، 8 يناير 2012 - 16:51

جورج اسحاق منسق حركة كفاية الأسبق
كتبت نورا فخرى

تعقد 35 شخصية عامة وسياسية مؤتمراً صحفياً مساء اليوم، الأحد، بنادى المقاولون العرب النهرى للإعلان عن تشكيل لجنة جديدة لتصحيح مسار الثورة ووضع الخطوط العريضة لها من أجل توحيد جميع القوى الثورية وتحديد أهداف الثورة وإستراتيجية الخطاب الإعلامى للثوار خلال المرحلة القادمة.

وتؤكد المبادرة على سلمية الثورة المصرية ورفضها لكل أشكال العنف وتمسك جميع القوى الثورية بأهداف يناير وفى مقدمتها المحاكمة الثورية لمبارك ورجال نظامه وتسليم الحكم إلى إدارة مدنية منتخبة فى أسرع وقت، يأتى ذلك عقب لقاء يشارك يجمع كافة ممثلى القوى السياسية.

ويشارك فى الاجتماع كل من
المستشار زكريا عبد العزيز
والدكتور جمال زهران
والدكتورة كريمة الحفناوى
وجورج إسحاق، منسق حركة كفاية الأسبق،
والدكتور عبد الجليل مصطفى، رئيس الجمعية الوطنية للتغيير،
ودكتور عبد الحليم قنديل ومحمد الأشقر منسق حركة كفاية والدكتور أحمد عبد الفتاح رئيس الجامعة العمالية السابق
واحمد بهاء شعبان
والإعلامية جميلة إسماعيل
والدكتور حسام عيسى
وأبوالعز الحريرى، عضو مجلس الشعب،
والإعلامى حمدى قنديل
وأمين إسكندر، مؤسس حزب الكرامة،
والفنان عبد العزيز مخيون
والروائى علاء الأسوانى
وحمدى الفخرانى
والمستشار سامح المشد
وكمال أبو عيطة، رئيس النقابات المستقلة،
والدكتور عمار على حسن.



--------------------------------------------------------------





وبعد التصفيق إليكم هذا التعليق

------------------------

بصراحة ولا اسم فى اللى انت قولتهم دة محترم

بواسطة: hazem
بتاريخ: الأحد، 8 يناير 2012 - 16:57
كلهم مع الموجة ولا عمرنا سمعنا صوت حد فيهم كلهم تمويل خارجى وجورج زعلان علشان سقط فى الانتخابات لو كان نجح مكنش حد سمع صوتة

(ياراجل عايز تحرمه من مصدر رزقه - خليه يتكلم هو الكلام حرام )





--------------------------

فشله ومرفوضون

بواسطة: oh
بتاريخ: الأحد، 8 يناير 2012 - 16:59
تجمع الفاشلين شعبيا يصحح ثورة شعب وعجبي , و مشاركة أبو العز الحريرى وأبو عيطه هو لبكاء الدموع على الفشل الذريع للأصدقاء (موتو بغيظكم)

(دول راحين يقدموا العزاء فى سقوط حبايبهم ولا إيه ؟)




-------------------------------------

خير اللهم اجعله خير

بواسطة: aly aly
بتاريخ: الأحد، 8 يناير 2012 - 17:12
انا مش شايف من الاسماء ديه واحد مبيهجمش الجيش اقصد المجلس العسكري اللي همه عاوزين يفصلوه عن قواته ياتري عيطلعوا علينا بايه ونصهم بيدعم اعمال الحرق والتدمير ربنا يستر وياريت تكون اجتماعاتهم مسجلها واحد جدع ويرميها علي اليوتيوب

(بين كل مليون فى مصر 999999جدع وابن بلد بجد ----- لاتقلق )





------------------------------------
الي هولاء جميعا

بواسطة: اشرف الشافعي
بتاريخ: الأحد، 8 يناير 2012 - 17:23
سؤالين ارجو من هؤلاء جميعا الاجابة عليهم
ماذا قدمتم لمصر
وماذا تستطيعوا ان تقدموه لمصر
وشكرا
ارجو من اتلقراء ان يجيبو علي هذه الاسئلة لاني لا اعتقد ان منهم سوف يجاوب

(إعطيهم فرصة يريّحونا منها خالص !!!!!)




------------------------------

حفنة من الفشلة لا وزن لهم عند الشعب

بواسطة: KALINKA
بتاريخ: الأحد، 8 يناير 2012 - 17:27
و الدليل سقوط معظمهم فى الانتخابات

(بلاش سيرة الانتخابات دى - دول ولادنا بردوا
ساقطين صحيح بس ولادنا ونخا ف على مرارتهم لاتنفجر !)




----------------------------------

العصابة

بواسطة: د/عبدالله
بتاريخ: الأحد، 8 يناير 2012 - 17:35
عصابة و اتلموا على بعض و مبدأهم ((يا فيها يا أخفيها))
و نسوا قول الله عز وجل (( يمكرون و يمكر الله و الله خير الماكرين )) صدق الله العظيم
اللهم أجعل كيدهم فى نحرهم و أجعل مقتهم مقتا عليهم يا رب

(أمين
بس هيقولوا علينا كدا متعصبين ومتشددين وبنكره مصلحة البلد !!
بلاش نتكلم فى الدين لأنه بيعصبهم وبيفكرهم بسقوطهم الفاضح فى الانتخابات
خليك كول تبقى مقبول )







--------------------------------

ارحمونا شوية

بواسطة: محمد
بتاريخ: الأحد، 8 يناير 2012 - 17:37
ارحمونا شوية هى البلد دى ما بتصعبش عليكم؟
ناقص ايمن نور علشان تكمل!هو انتم أوصياء على الشعب المصرى؟البلد خلاص بقى فيها برلمان يتكلم باسم الشعب,خلوا عندكم شوية دم واركنوا بقى على جنب شوية, هوه انتم دماغكم فاضية للدرجة دى على فكرةمفيش حد سامعكم وانتم كلكم شوية مرتزقة وناس شبعانة والدور والباقى على الغلابة ياريت حد فيكم يقول لنا هو اتبرع لاى مشرو ع خيرى بكام , وكل واحد فيكم عنده فلوس قد ايه ، وراكب عربية شكلها ايه,وساكن فين, حسبنا الله ونعم الوكيل فيكم, يا عم قوم انت وهو شوفوا شوية ناس غلابة ساعدوهم بلاش كلام فاضى,وعلى فكرة القنوات فى التليفزيون زمانها فتحت قوموا الحقوا علشان تقبضوا............

(أمرك غريب -- لاعاجبك مسلسلات رمضان ولامسلسلات جورج اسحق - رمضان شهر واحد - طب ال11شهر تقضيهم إزاى من غير مسلسلات ؟)






---------------

35 شخصية معظمهم مجهول الهوية يحددوا مسار دولة ؟جد ولا مسرحية؟؟؟!!!

بواسطة: 35 شخصية معظمهم مجهول الهوية يحددوا مسار دولة ؟جد ولا مسرحية؟؟؟!!!
بتاريخ: الأحد، 8 يناير 2012 - 17:48
35 شخصية معظمهم مجهول الهوية يحددوا مسار دولة ؟جد ولا مسرحية؟؟؟!!!





---------------------------------
(وإليكم رأى هذا الشاب الجاهل الأمى اللى مش عارف مصلحته !-)

لماذا كل أعضاء اللجنة من الشيوعيين أو اليساريين أو الناصريين ؟؟؟

بواسطة: أبوطارق المصرى
بتاريخ: الأحد، 8 يناير 2012 - 17:51
يعنى المثقف أوالشخصية العامة يجب أن يكون من هذه الأصناف والتيارات السياسية التى تخطاها الزمن ، هل لا يوجد شخصية عامة ذات ميول إسلامية تصلح لهذه اللجنة ؟
عموما ثورة يناير فتحت المجال أمام الحريات بدون أى حدود وإستطاعت مصر أن تخترع مئات الحركات والإئتلافات واللجان الثورية ، ولو إستمر الوضع على ما هو عليه الأن من الممكن أن نجد من هذه الأسماء المذكورة بالخبر من يطلب تطبيق أفكار الكتاب الأخضر بتاع القذافى لأنه بصراحة مازال سابق زمنه ونحقق عصر الجماهير ونعملها جماهيرية ميدان التحرير الثورية ونقعد نعمل لجان شعبية ولجان ثورية وأمانات للتحرير ومحمد محمود ومجلس الوزراء وتبقى هيصة ....... بصراحة إذا لم تستحى فإصنع ما شئت ..... أنشر با ------ مرارتى باظت

(مرارتك باظت ياصاحبى مرارتى أنا اتشالت من بدرى)




------------------


الفاشلون يجتمعون

بواسطة: شخبوط
بتاريخ: الأحد، 8 يناير 2012 - 18:38
كويس لما تصححوا المسار ابقوا اتصلوا بيه ..


(يتصلوا ليه وهما نفسهم الشعب كله ينام ويتغطى لاسبوع واحد - يصحى يلاقى نفسه فى المالح- مصيف فى برد طوبه - حد لاقى !!!!)





--------------------------------

اذا كنتم فعلن تردون تصحيح المسار

بواسطة: خالد
بتاريخ: الأحد، 8 يناير 2012 - 18:48
عليكم الان الا تتفوهوا باى كلمة وملكوش دعوة واحنا احتكمنا الى صناديق الانتخابات وهى دى الديمقراطية واحنا قلنا راينا وتحولو تتجنبو الشعب لان انتم اكتر ناس احنا انضرينا منكم لان احنا دلوقتى اقسم باللة العظيم ان احنا ممكن نعمل ما ليصورة عقولكم ابعدوا والزموا الصمت حفاضن عاى حياتكم مصر مخنوق من جميع السياسين الموجودين الى -------اذا كنت تشك فى راى فانا ادعوك لعمل استطلاع اراء الناس لكى يعلم هولاء النخبة انهم غير مرغوب فيهم


(صادق ياصحبى من غير حلفان )






----------------------
كفايه

بواسطة: abu_amer
بتاريخ: الأحد، 8 يناير 2012 - 18:49
كفايه من كفايه واذناب كفايه انا قرفت من المسوخ دى. بجد انا نفسي بتميع وبرجع.الشعب لاول مره في تاريخ مصر يمارس حقه في اختيار ممثليه في البرلمان وصوته اصبح من دماغه وليس لهذه الفئه الغير منتخبه ان تملي رأيها عليه. كفايه انهم معظمهم لليبراليين وعلمانيين وشيوعيين وطوب وطين ولا قادرين يميزوا ليه الشعب اختار ذوي الفكر المستنير والمنضبط مع شرع الله.كفايه وصايه.والمصريين تم فطامهم ليسيروا علي الدرب الصحيح لمصلحه مصر وتقدمها كسائر الامم الراقيه.

(كفايه من كفاية وأذناب كفاية
مطلع أغنية جميل - بس ياخسارة مش هانعرف نذيعها
لان مفاتيح الإعلام معاهم )





----------------


عفوا لقد نفذ رصيدكم واصبح لدينا برلمان شرعى

بواسطة: اشرف عبد المنجى
بتاريخ: الأحد، 8 يناير 2012 - 18:55
ايها السادة الشخصيات اللقيطة التى لا اعرف من اين جاءت,,,,, المكان الوحيد الذى يسمح لكم باطلاق فتاويكم ومشروعاتكم وآرائكم هى المقاهى والمشاريب على حسابى الخاص بدون حد اقصى والغريب ان هؤلاء المشبوهون من سقط سقوط مدوى لجميلة اسماعيل واسحاق وضلوع البعض فى قضية تلقى الاموال مازالوا مقتنعون انهم اوصياء على الشعب القصر السفيه ايها السادة اذهبوا عنا ورحمونا لا رحمكم الله

(بلاش دور الشهامة ده اللى هيخرب بيتنا
المشاريب على حسابهم هما احنا مالنا-
دول أكتر م الهم ع القلب
وكله هيشرب مرة واتنين وعشرة -
استخسار
وفرصة ينتقموا منك علشان ماتدهمشى صوتك ف الانتخابات)




-----------------

الى رقم 12 نحن بالملاين ننضم اليك لان احنا عرفنا الناس دة زى حضرتك

بواسطة: خالد
بتاريخ: الأحد، 8 يناير 2012 - 19:00
الى شعب مصر العظيم الذى يشركوننا الرئى الناس دة مريضة بالسلطة ودة مش هيكون على حسابنا الى كل رجل يعمل باالاعمال الحرة على اللة زينا يعنى هولاء النخب السياسية هم ما اوصلونا لوقف ارزاقنا ومعهم الاعلامين اللى يقعدو يطبلولهم ونسيو ان فى ناس غلابة مش لاقية قوتها اليومى لذا اطالبكم ان تدركو من هم اعدانا الحقيقين الى حبيبى -------صوت المهمشين فى هذا المجتمع برجاء النشر والعهدة على الراوى اخوك الخراط

(حصل لنا الشرف - أخوك معلم دراسات )




--------

كفاية حرام

بواسطة: د منى
بتاريخ: الأحد، 8 يناير 2012 - 19:09
كفاية ياناس هجوم على المجتمعين دول لازم تسيبوهم يجتمعوا مع بعض شوية يفضفضوا على الاقل كلهم ساقطين فى الانتخابات والشعب كله مستاء منهم ومعتقدين ان 35 شخصية الفاشلة دول هيصححوا مسار ثورة ويغيروا مصير شعب


(عندك حق - الرحمة حلوه - هما يفضفضوا ويقبضوا واحنا عشانهم لازم نضحى ولو نجوع-- هى دى الاصول)




-------


فين نجيب ساوريس

بواسطة: بركةبركة
بتاريخ: الأحد، 8 يناير 2012 - 19:12
ناقصهم نجيب ومحمود سعدوابراهيم عيسى وفريق 6 ابريل


(فى الحلقات الجاية

ماهى حلقات بتتلف حوالين رقاب الشعب
والمسلسل طويل أطول من (فالكون فرست)وأوشين ومهند

كله هييجى - ماهى بطولة فريدة من نوعها - 10تلاف بطل )


---
http://www3.youm7.com/News.asp?NewsI...ecID=65&IssueI