[أ/رضا عطيه]

مباراة الشعب

تخيلوا معى فريق يظن نفسه برشلونه السياسة (بلاش الأهلى والزمالك والاسماعيلى )

بيلاعب فريق أسمدة كفر الزيات

وفجأة فاز اسمدة كفر الزيات 9/صفر

ماذا تتوقع فى المؤتمر الصحفى مابعد المباراة

بعد إذنكم أقول المتوقع

1- لاعبى كفر الزيات بتاخد منشطات
2- لاعبى كفر الزيات ضحكوا على الفلاحين والعمال علشان يشجعوهم
3- لاعبى كفر الزيات بيوزعوا أسمده على الفلاحين بالمجان وشهر مكافأة للعمال
4-لاعبى كفر الزيات الحكومة والحكام وكل السلطات بتساندهم

لكن هل هيذكروا فى المؤتمر الحقيقة
1- إن لاعبى برشلونه اكتفوا بمدح الصحف والفضائيات
2- إن لاعبى برشلونه يملؤهم الغرور ولم يهتموا بالتدريب قبل المباراة
3- إن لاعبى برشلونه اكتفوا بمقولة ماضيهم يزكيهم
4- إن لاعبى برشلونه اكتفوا بالتصوير والأحاديث للفضائيات
5- إن لاعبى كفر الزيات كانوافى وسط الملعب تملأهم الجدية لإثبات الذات
6-إن لاعبى كفر الزيات من الفلاحين والعمال والأميين واللى فريق برشلونه يرى أن تضامن هؤلاء معه لايشرفه
7- إن لاعبى كفر الزيات ما أخدوش مرتباتهم من سنتين
8- إن لاعب كفر الزيات السوووبر هاترك كان من ساعتين بيرش سماد السوبر للبرسيم فى القيراطين ملك والده من الدنيا
وإن شيكارة السوبر دى هى مقابل لعبه للنادى شهرين (يحيا الاحتراف الميدانى )



وأخيرا لاتبحث فى الفضائيات عن المباراة

فالمباراة فى الشوارع فى القرى فى النجوع داخل بيتى وبيتك

ولايملك أحد تشفيرها

بل يتذلل الكل لنقلها على الهواء مباشرة

لأنها مباراة الكبيييييييير بأمر الله

مباراة شعب مصر

والنهارده عيدنا - هكذا أشعروبصدق

وبإذن الله من بعد الفجر هنقف فى الطابور

حقنا ياجدع هو فيه إيه

عرس مصر- وربما يتمه على خير

وليصمت الحاقدون

بس خلاص