[فلة الصداقة]

السلام عليكم أصدقائى الكرام :
آسفة جدا على كل الغيبة الطويلة ورجعت بعد فترة بس كان عندى امتحانات وخلاص الحمد لله خلصت مش فاضل بس غير يوم الأحد امتحان جبر وحساب مثلثات وبعد كدة ان شاء الله نبدأ فى الدراسة لامتحانات نصف السنة وبالتوفيق للجميع .
كنت عايزة أرحب بصديقتنا الجديدة صافى وان شاء الله تستفيد معانا ونقدر نقدم أفضل مساعدة ، وكمان بشكر صديقتى الرائعة بسمة الفجر على أنها أكدت ليا اجابة السؤال بتاع العجلة ، وكمان عايزة أقول رأيى فى أسئلتها فى مادة ال E ، بالنسبة للسؤال الأول فأنا مش فاهمة معناه يعنى هو معناه بالعربى : هذا ......... للبشر أنهم يحموا نفسهم من الطيران ، ولا ايه ؟ وبالنسبة للفرق بين Possible و probable هو ان possible معناها ممكن بس امكانية الحدوث قليلة أو ضعيفة ، أما Probable فمعناها ممكن بس امكانية الحدوث أكبر أو أقوى من Possible ، وبالنسبة للسؤال التانى فأنا بقترح انها must بس مش متأكدة للأسف ، وأتمنى انى أكون قدرت أفيدك يا بسمة ، وشكرا ليكم جميعا وآسفة انى طولت عليكم .