[أ/رضا عطيه]

البرادعى كمان وكمان

النهاردة ادلى السياسي الدولي اللامع دكتور محمد البرادعي بصوته في انتخابات المرحلة الثانية لمجلس الشعب بمحافظة الجيزة.

و على عكس ما حدث في الاستفتاء فلم تحدث ادنى مشكلة او اضطرابات و اعتداء على الدكتور البرادعي.
و يرجع هذا لعدم اعلانه عن مكان لجنته الانتخابية او معاد ذهابه للتصويت مش ناس عاديين!
البرادعي عمهم و حابس دمهم...
------------

سمعتها فين دى ياربى قبل كدا ؟

أه فى مطشات الكورة

الأهلى عمهم وحابس دمهم



وبعدين إيه الرئيس الخواف ده ؟

ياريت تركبوه المراجيح ولا تدخلوه بيت الرعب

يمكن قلبه يجمد شوية

بيخاف من دلوقتى وهو لسه خارج القصر ؟

أمّال لمّا يدخل القصر هيعمل إيه ؟

أكيد هيرجع أمن الدولة وأمن الرئيس وأمن حرم الرئيس
وأمن ولاد الرئيس وأمن قرايب الرئيس

وأمن جيران الرئيس وأمن أصدقاء الرئيس

وأمن أنصار الرئيس وأمن أمن الرئيس


ياترى الشعب هيكفى ؟ ولاهنستورد العجز ؟

ولا ماما أمريكا وخالتى فرنسا ورفاقها هيقوموا بالواجب ؟


الحمد لله إنه أدلى بصوته فى مصر وليس من وطنه فى الخارج؟


بس فيه حاجة غريبة فى الصورة

هو دا المترجم الخاص وبيترجم له الورقة ولا إيه ؟

مجرد سؤال برىء


ماهى تبقى مصيبة

يسرى فودة يقرره

والمترجم يرشده

دا رئيس مصر ولازم نتأكد من البضاعة كويس

ولاهنشترى سمك فى ميه؟