بداية تقدم الدول من التعليم
لابد من اهتمام بالتعليم الحقيقى الفعلى
ياريت بدلا من محو الأمية اللى بيتعمل فى المدارس
نتعلم صح وبلاش نسبة النجاح اللى بتحددها الإدارات دى
يعنى بيحسسونا ان الطالب لازم ينجح
وقرارات ديوان الوزارة اللى مالهمش فى التعليم اصلا
كل قراراتهم مكتبيه لا تمس الواقع
مثلا
درجات النشاط 10 درجات بياخدهم اللى بيفهم واللى ما بيفهمش ودرجات الحضور والسلوك برده بياخدهم
طب ما تخلوها تحريرى بس وامنع الغش
بحيث يعدى اللى يستحق فقط
م احنا كنا طلبة وكنا بنذاكر بدون مدرس بنحضر الدرس فى البيت ونروح نتابع لمدرس المدرسة
هناك طلبة بجد يستحقون المتابعه والتعليم المجانى بحيث يتخرج يلاقى مكان فى وظيفة محترمة بالدولة ينفع بها وطنه
وفى نفس الوقت فى طلبة لا يستحقون عناء تعليمهم فهم يكلفون الدولة ما لاتطيق وبيتخرجو دون اجادة قراءة ولا كتابه
معتمدين على الغش من ابتدائى
طب ما يبسطو المناهج شوية بحيث اللى يتعلم صح يعدى واللى ما يعديش يعيد السنه وبلاها سنوات النقل دى خالص وتصبح كل سنة شهادة وامتحانات على مستوى الجمهورية يعنى كل الطلبة يمتحنو نفس الإمتحان
ما المانع من ذلك ؟
لو حصل ده كثافة الفصول هتقل أكثر من النصف
لان أكثر من 60 فى المية من طلبة المدارس خارج نطاق الخدمة
وبينجحو بالغش اللى بنحاربه قدر طاقتنا
عشان نربى ولادنا بقرش حلال