[ahmed doula]

المشاركة الأصلية كتبت بواسطة shahd.

من أمام إحدى اللجان الانتخابيه اليوم: امرأة تقول لامرأة أخرى:
اوعي تنتخبي حزب النور، حيلبسوكي النقاب بالعافية،
فقالت لها: وماله ؟ ما يلبسوهولنا .. أحسن من الخلاعة اللي احنا فيها،
والله العظيم مش منتخبة إلا حزب النور
ياترى حد منكم عنده مواقف حصلت النهاردة ؟؟

بعض التعليقات التى سمعتها


انهارده اول مره ادخل لجنه من غير ما ابقى شايله هم الامتحان :

محمد نوح جالى فى المنام , و فَـضل يزعّق و يقولى , صوتك مع مين الوفد الوفد قلبك مع مين الوفد الوفد , انا إتخضيت الصراحه , بس لمّا روحت اللجنه إديت صوتى لحزب تانى , و محدش يسألنى حزب إيه , و طول ما انا فى طريقى لـ اللجنه , صوت محمد نوح فى ودنى , منه الله , و الله قومت من النوم مفزوع ....

و بعد طول انتظار و بعد آمال و طموحات لوضع صورة الصوباع البمبى كبروفيل بيكتشر.....كالعادة أحبطت الحكومة آمالنا و جابتلنا حبر أزرق معفن وبقى صباعى زى مايكون طافح عليه قلم أزرق....حكومة فصيلة.....

لقد حان وقت الانتخابات
بقول لبابا هننتخب مين
قالى على اسمين واحد عمال ووواحد فئات والاتنين فيهم رمضان
قولتله على كده لازم اروح انتخب وانا صايمه
وهنتخب حزب النور معاهم عشان رمز الفانوس

فين أيام مبارك . كان بينتخبلنا و إحنا قاعدين في البيت . منكوا لله . أدي اللي خدناه من الثورة ..
دلوقتي الواحد ينزل في عزّ البرد عشان ينتخب..عاجبكوا كدا يعني ؟


انا مرحله تانيه لسه