السلام عليكم
انا عندى فكرة اتمنى انى اعرف رأيكوا فيها
انا لاحظت انكم بتضعوا جمل للاعراب لكى نتدرب على ذلك وحقيقى عجبتنى الفكرة جدا وقررت ان احنا نطبقها مع بعض في كذا حاجه يعنى مثلا:
اكيد معظمنا عايز يتدرب اكتر على البلاغه والنحو او الترجمة في الانجليزى اوغير ذلك
علشان كده انا مثلا هحط سؤال بلاغه مثلا واحله وانتو تقولو رأيكوا في الحل بتاعى واذا كان في خطأ نتناقش فيه كلنا ..
ودى اول قطعة بلاغه واتمنى رأيكوا في الحل ولو في اراء اخرى اتمنى انى اعرفها
قال الشاعر :
من قدم الجد في مسعاه لم يخب **الفوز بالنجح موقوف على الدأب
تلك المعالى عروس انت خاطبها **فابذل لها المهر من كد ومن تعب
أ- الام يدعو الشاعر فيما سبق ؟
ان من يعمل بجد من اجل هدفه وللفوز بالنجاح لم يخب ابدا فإن الوصول للمعالى كعروس مهرهاغالى لايمكن الوصول اليه الا بالكد والتعب.
ب ) مانوع البيان في (تلك المعالى عروس) وماسر جماله؟
تشبيه بليغ حيث شبه المعالى بعروس مهرها غالى وسر جماله التجسيم
ج) استخرج محسننا بديعيا واذكر اثره _ اسلوب انشائى واذكر غرضه البلاغى ؟
محسن بديعى : يخب والفوز : مقابله تبرز المعنى بالتضاد ..والتصريع بين شطرى البيت
اسلوب انشائى وغرضه: ابذل : اسلوب انشائى نوعه امر غرضه النصح والارشاد.
انا ممكن اكون عكيت شويتين تلاته كده
اتمنى اعرف اجابتكوا ورأيكو في اجابتى ولو عندى خطأ اتمنى تصحيحه
وممكن بالشكل ده نتضرب على اكبر كميه من البلاغه مع بعض
ومعلش طولت عليكو