أولا أنا مش شفت الفيديوهات لأنى مش فاضية وكمان لانه واضح ان فيه الفاظ مش كويسة متقاة فيها والحمد لله انها مش ظاهرة عندى اصلا
ثانيا بقى فيه ناس عاوزة ابوتريكة دة ملاك انزل من السما وهم نفسهم اللى عمالين يقولو القديس بتهكم
أى انسان فى الدنيا بيخطأ وانا اللى مقتنعة بيه مية فى المية ان تريكة مش بيمثل ابدا وياما اتظلم فى ضربات جزاء وممكن اجيبلك الفيديوهات الدليل على كلامى بس انا مش فاضية ومش مهتمة برأى ناس بتسيب كل حاجة حلوة فى الانسان وتدور على اى ثغر تشتم بيها عليه من حقدها عليه
وفى نفس الوقت بتسيب اقبح الصفات فى لعيبة ناديهم امثال شيكابالا وجايين هنا يتكلموا
بس هو عموما مش مهم رأى الناس دى لانهم قلة لكن شوف ابوتريكة فى راى بعض الزملكاوية الصادقين وفيه منهم هنا فى المنتدى
وشوف كام واحد فى الوطن العربي والعالم كله بيحبوا تريكة حب غير عادى
حتى الصينيين شافوا تريكة فى المطار مع باقى العيبة سابوهم كلهم وطلبوا يتصوروا مع تريكة بالخصوص
وأنا أتحدى أن يكون هناك لاعب جه من قبل او موجود حاليا فى اخلاق أبو تريكة او عمل جزء من افعاله اللى مشرفانا فى العالم كله
ويا ريت اللى مش عاجبوا الكلام
فالتوبيك توبيكنا والقسم قسمنا ونقول براحتنا رأينا
سورى على اسلوبى والسلام للجميع
آخر تعديل بواسطة LoOoLy El Treikawya ، 18-11-2011 الساعة 12:13 PM
|