بعد التنحي ..
قال البرادعي .. مجلس رئاسي انتقالي .. وقال الناس المجلس العسكري
قبل التعديل ..
قال البرادعي دستور جديد .. و قال الناس ترقيع للقديم
قبل الاستفتاء ..
قال البرادعي لا للأستفتاء كمبدأ .. و قال الناس الاستفتاء هو الحل
في غزوة الصناديق ..
قال البرادعي ساقول لا .. و قالت الصناديق .. نعععععععم
بعد الاستفتاء ..
المجلس العسكري قال 6 شهور واسلم السلطه والناس صدقت وفرحت و سقفت, البرادعي الوحيد الي قال مصر محتاجه علي الاقل 18 شهر
و بعد ما البرادعي قال ب 5 شهور .. تبين انه كان صح في كل اللي فات .. وانه احق بأن يقول كلمة احمد خالد توفيق الشهيره "لقد سأمت كوني على حق" ..
مجلس الشعب الموقر لن يساهم و لو بنكله في تشكيل الحكومه .. و السبب بسيط .. ايه السند الدستوري اللي على اساسه البرلمان يشكل الحكومه ؟؟؟؟
و انتخابات الرئاسه قبل وضع دستور جديد "كما يريد ال 6 المرشحين للرئاسه ماعدا البرادعي".. سيصبح عندنا 4 سلطات
مجل شعب و رئيس منتخبين و مجلس عسكري موجود كأمر واقع و حكومه معينه من المجلس العسكري .. من الحكم الذي يفصل بين السلطات؟؟؟
لو الرئيس عاوز يمشي يمين و البرلمان عاوز يمشي شمال .. كلام مين اللي هيمشي .. ما هو مفيش دستور يحدد كلام مين اللى يمشى ؟؟؟
لو الدستور بعد البرلمان و قبل الرئاسه "كما خطط المجلس العسكري"
او كما يريد البرادعي "جزئيا" .... هيحصل أيه ؟؟؟؟؟ أقولكم أنا هيحصل أيه
يبقى كده العسكري مشرفنا لمدة سنه تبدأ مع بدء انتخابات مجلس الشعب لان الانتخابات البرلمانيه "شعب و شورى" 6 شهور .. و وضع دستور جديد ف 6 شهور
يبقا كدا سنة كاملة متكاملة .... وبعديها تبقى فى أنتخابات رئاسية
على الأقل الرئيس اللى جاى يبقى عارف راسه من رجليه
أو ع الأقل نبقى عارفين ان فى رئيس بصلاحيات محددة
لو كان المجلس العسكرى نفذخطته بعد تنحى مبارك
كان بالكتير هنستلم السلطة فى مارس أو أبريل 2012
هذا هو اكبر فرق بين البرادعى وغيره من المرشحين"انه صاحب رؤيه"
تمكنه من العبور بمصر من عنق الزجاجة بدون تجريب ولا تخريب
ومش هنخترع العجلة
دا الفرق بين البرادعى صاحب الفكر وبين أى مرشح أخر صاحب كاريزما او شعبية
الفكر هو طوق النجاة لينا وليست الشعبية او الكاريزما
أنا لا أمدح البرادعى ولكن هذه هى الحقيقة