العربى من المواد الى بتتدرس غلط جداً فى مصر هو و الفلسفة و التاريخ
كلهم طريقة تدريسهم غلط × غلط
لكن العربى الحاجة الوحيدة الى بتتدرس فيه صح البلاغة و النحو
لأن العربى دة لغة
و فروع زى فرع القراءة و معاه القصة دة مش لغة نهائى
أية الفائدة من أنك تحفظ 8 دروس ولا 14 فى المستوى الرفيع و كلهم ولا ليهم علاقة بالعربى اللهم إلا شوية لغويات و معانى كلمات و بتطلع من الدرس بكام سؤال محفوظين و خلاص ؟!
و القصة نفس الكلام .. قصة زى الأيام أية الفائدة من حفظها كلها على بعضها أساساً ؟! إذا كانت هى اكتبت للقراءة فقط ؟!
و لو من ناحية الأسلوب .. الطالب ممكن يقعد يقرأ القصة و القراءة قراءة سريعة يعرف بيها أسلوب الكاتب أنما يحفظهم و يدخل الامتحان يقفل و شكراً يا حبيبى ؟!
باختصار فروع العربى أساساً المفروض تبقى أدب و نحو و بلاغة و نصوص و تعبير
لأن كدة هو اتحس أنه عربى فعلاً
و رغم أن المستوى الرفيع فيه حلو مش وحش
لكن أفضل الإنجليزى
|