[mo_wa_2977]

اسمع نصيحة أخ ليــــــــــك .. فى هندسة المنصورة .. وجايب 50 رياضة 1 و 50 رياضة 2 ..

درس المحددات ما كنتش بهتم بيه .. ليه بقى ؟؟
أولا : هو أخر سؤال فى ورقة الجبر .. ممكن أختاره وممكن لا .. المهم تحل اللى فوق اللى هيا أسئلة تافهة بعون الله المتوسط بيحلها وهو حاطط رجل على رجل ..
والمتوسط ده اللى هو يعرف يتعامل مع القانون مش اختراع يعنى ..

ثانيا .. زى ما حضرتك قولت كده كل اما تذاكر وتراجع على مسائل وتييجى تحل تلاقى نفسك زيرو ..
أنا كنت أكتر منك بس كنت أحلى منك فى حتة .. ما كنتش بقول ( أووووف ) دى نهائى ..
كنت بضغط على نفسى وأركز أكتر وواحدة واحدة فى نهاية السنة كنت بقدر أحل محددات زى الفل ..

شوية حافظ أفكار ( مسائل قريتها ) وشوية بشغل دماغى وربنا بيكرم ..

اللى عايز أقولهولك بلاش تجايق نفسك .. انت اعمل اللى عليك وفى داهية الدرس ده أصلا ..
ما تخليهوش يأثر على الجبر وبقيت الفروع التانية ..
وعندك الفيزياء ركز فيها السنة دى وافرد لها مساحة ..

وربنا هيوفقك ,, ما تقلقش ... الطالب المتوسط بيقدر يجيب 50 فى الرياضة ...