[د.عبدالرحمن المنياوي]

ياجماعة لازم الناس تفهم الوضع كويس موضوع العشرين الأوائل ده منتهي خلاص والاستمارات في الجامعات قريبا جد خا أيام يعني لكن المشكلة في الاجراءات والروتين والناس اللي اتعودت يبقى يومها بسنة .. والأخ اللطيف الظريف اللي عمال يقول إن احنا بندي مسكنات للناس وحقن وكلام فاضي يا أخ احنا رفعنا صورة الاستمارة على المنتدى منذ أيام والكل دلوقت أصبح عارف شكلها ويملاها إزاي وبارك الله في الإخوة هنا اللي بيبذلوا مجهود في ده .. اما انت بقى ياعم الصادق ورينا همتك كده وحرك انت الموضوع وسيبك مننا ومن البروفين بتاعنا وتعامل انت وقول حاجة مفيدة يا تسكت خالص .. أما بخصوص الأخبار الصحفية ده موضوع اتكلمنا فيه كتير جدا قبل كده .. أي حد بيقول أي حاجة وبتتنشر وفي جرايد بتجي أخبار من جرايد تانية وكله على كله .. احنا ناس بتوع قرارات وقوانين وخلي كلام الجرايد لصاحبنا الصادق النايم في العسل .. مجلس الوزراء في جلسة 17/8/2011 أقر بتعيين العشرين والقرار صدر واتصدق عليه وخلاص ... أما المهم بقى هو إن بادعي الناس كلها مرة أخرى وباكد على كلامي تاني الكل ياريت يتحرك ويدعم اعتصام الأوائل القادم علشان نحرك الموضوع ونسرع الإجراءات ياجماعة .. تحركوا من اجل تسريع وتسهيل موضوعكم تحركوا وسيبكوا من أي حد تحركوااااااااا يا أوائل اللي يقدر يروح يروح اللي يقدر يضغط إعلاميا يضغط واللي مش قادر يشارك على الأقل بالدعاء ..