[highlight]

المشاركة الأصلية كتبت بواسطة tweetyy

والمشكله انى قبل معاد الدرس بنسي انى عندى شغل خاص بالدرس ده

انا بصراحة مش فاهمة يعنى ايه معنى كلامك ده
بس لو المشكلة فى تنظيم المواعيد
انا هقولك كنت بعمل ايه
مثلا انهاردة انا كان عندى درس عربى
والحصة بتاعة العربى الاسبوع الجاى...تمام؟
وبكرة عندى فيزيا
يبقى اسيب العربى خالص انهاردة و اركز فى الفيزيا اللى عندى بكرة
عشان ابقى رايحة مزاكرة ومراجعة وحلة وكله تمام اوى واليوم يبقى كله للفيزيا,يعنى انا بذاكر لمادة بكرة مش مادة انهاردة
وهكذا.............
دا حل
حل تانى
انت ممكن تذاكرى ال 5 مواد فى يوم
ازاى.....؟
هقولك
لو بتروحى مدرسة او مبتروحيش
اكيد عندك 5 ساعات فاضيين للمذاكرة كل يوم
تدى كل مادة ساعة وده كل يوم طبعا
يعنى هو ده حل كويس بس انا مش انصحك بيه للاسف عشان انتى رياضة
والرياضة والفيزيا عايزة حل وتركيز عالى وتكونى مش متوترة وانتى بتذاكرى و تحلى
وكمان الحكاية دى هتاثر على باقى المواد لو عندك امتحان فى مادة معينة مثلا
مش هتعرفى تلمى المواد اللى انت سبتيها عشان تذاكرى للامتحان
لانك كنت ذاكرتى ساعة واحدة بس للمادة وده مش كفاية انك تخلصى كل اللى انت اخدتيه
ودا تانى حل
وفى حل كمان
انك تجمعى المادتين مع بعض
اللى اخدتيها انهاردة و اللى عندك بكرة
تقسمى جزء صغير من مذاكرة مادة انهاردة ومادة بكرة كلها
بس المهم
متقوميش ابدا ابدا من على الكتاب الا لما تكونى مذاكررة تمام جدا لمادة بكرة
عشان تبقى قاعدة فاهمة الاستاذ بتاعك بيتكلم فى ايه وتلمى معاه بسرعة
والحل ده لو انت من النوع اللى هو بيزهق من المادة الواحدة طول اليوم
وفى طرق كتير اوى للمذاكرة
وكمان انتى بتقولى انك خايفة تكونى مش ذكية فى الرياضة
والله لو انت ذكية بالدرجة اللى انت عايزها دى
مش هتجيبى حاجة فى الثانوية العامة
الثانوية العامة للحفيظة فقط
وعايزة اى حد يدخل يعترض على الكلمة دى
عشان كده بقى
انتى لازم تحلى كتير عشان يصادفك افكار من كل حته حتى المسائل الصعبة
الصراحة انا كنت بخاف اقربلها فى الفيزيا
بس كنت بحاول و مع الاستاذ
عشان يببقى فيها فكرة صغيرة ممكن تستفيدى بيها فى حل حاجة تانى تانى
ولو بتنسى ان وراكى حاجة لمادة معينة يعنى(حسب ما فهمت من معنى كلامك)
اعملى نوتة صغيرة و اكتبى فيها اللى انت عايزة تعمليه واللى تخلصيه علمى عليه ومتحطيش جنبيها مواعيد.......تاريخ اليوم اللى اتكتب فيه بس
تمام كده؟؟
ربنا يوفقك