[محمد حسين الشربينى]

كيان المعلم الادبى والمادى
رسالة ادمعت عينى
واليك يا سيادة وزير التربية والتعليم اهديها اليك

منهاره ومكتئبة جدا بسبب ان الحد الادني للاجور مش هيطبق علينا لان مش هنتعين

اللي تعبني نفسيا ان اصحابي نفس دفعتي 2007 لكن اقسام مختلفة اتعينوا كلهم قولي ايه الذنب اللي عملته عشان اظل عقد منذ4 سنوات ب105 جنيه واناخريجة تربية ومجال تخصصي تعرف من كثرة حزني علي نفسي والتفكير بقيت انسي حاجات كتير وذاكرتي اصبحت ضعيفة جدا ارجوك رد علي بسرعة انا محتاجة شخص يشجعني ويصبرني ويقول لي انك تعبتي في مذاكرتك وربنا هيعوضك

مشكلتنا جامدة جدا وحقيقية جدا احنا سبع مدرسين لغة فرنسية بالحصة واكيد حضرتك عارف يعني ايه بالحصة يعني لا نتقاضي الا 105جنية ولا نقبض طول الاجازة كان نازل عقود مميزة في شهر9 ولكن التوجيه لم يتحرك او يقول انه محتاج عقود مميزة المهم سألت انا واصحابي وجدت ان العيب من التوجيه لانه لم يطالب بعقود لنا ولما حاولنا نحصل عليه مدير الادارة طلب رشوة500جنيه كان اسمه صالح البلتاجي معروف انه مرتشي واتشال بعد الثورة المهم ناس سبقونا وخدوا العقود بسعر اعلي حسبي الله ونعم الوكيل والان بعد ثورة المعلمين يوم 7 يونيو اكتشفنا ان كل العقود المؤقتة لن تعين نظرا لمخالفة القانون لاننا علي بند 310 ولا ينطبق علينا الشروط الا بقرار من القوات المسلحة

وانا لا اعلم لمن اشتكي كرهت التربية والتعليم بسبب الظلم البين لمجرد اني مليش وسطة لم احصل علي عقد مميز والله اؤكد لك انني اعرف مدرسين ومدرسات ممن تعينوا لا يذهبون الي المدارس غير يوم او اثنين في الاسبوع وانا كنت احب عملي واراعي الله في عملي وهم كانوا يسخرون مني ويقولولي انتي بتشرحي ليه هما بيقبضوكي اقول لهم اني ارتضيت بهذه الوظيفة ارجوك لو تستطيع ان تتحدث عن العمالة المؤقتة في الفيوم في التربيه والتعليم لان الفيوم لا تتكلم

لا تعليق يا سيادة الوزير
الراسل : معلمة - الفيوم