[أحمد على فارس]

المشاركة الأصلية كتبت بواسطة shaeirh73

الى الاخ الفاضل صاحب هذا المقال احب اعرف سيادتك انت وغيرك ممن يتهجمون على الاخوان عالفاضى وعالمليان انه لولا الاخوان ما كنت حصلت على مكافاة الامتحانات اصلا فهم اول من اعتصموا فى الجيزة امام النقابة العامة لمدة ثلاثة ايام وكنت سيادتك وامثالك نايمين فى بيوتكم حتى تم تنفيذمطالبهم.
ثانيا الاخوان من سنة 2007 وبالذات حركة معلمون بلا نقابة فى الاسكندرية هم من نادوا بضرورة عودة الكرامة للمعلم المصرى وتطهير النقابة من فلول الحزب الوطنى اللصوص الذين لم ينتفع المعلمون منهم بشىء وتم اعتقال الكثير من معلمى الاخوان من قبل امن الدولةفى الوقت اللى حضرتك وامثالك كنتوا بتقولوا خلينا نمشى جنب الحيط او جوه الحيط

جميل أوى يا بتاع الأخوان
طيب لما أنتم شاطرين أوى كده وجبتم حق المعلم طيب ورونا شطارتكم كمان المرادى بس وهتولنا حقنا وأنا عن نفسى هتصدى لأى واحد يجيب سيرة الأخوان بكلمة
بس مش هنبطل إضراب لغاية أما تجوبولناحقنا عشان متضتحكش عليا يا أخويا الأخوانى
منا مخرمش ودانى على الفاضى مش كده ولا إيه
وأسألك سؤال هو أنتم لما تقعدوا مع المحافظ ولا مع الوزير هو ده اللى هيجيب للناس حقوقها طيب منتم قعدتم مع المحافظين كلهم وقدمتم الطلبات وإيه اللى حصل وبعدين أنت فاكر إن أى معلم ميقدرش يروح يقعد مع المحافظ ويقدمه طلبات يعنى حضرتك فاكر إن ده إنجاز تاريخى مثلا
وسعادتك بتقول نعطى فرصة للحكومة تنفذ وعودها أنت بتسغفلنا هى الحكومة وعدت بأى حاجة غير إنها بتهدد المعلمين بأولياء الأمور وبالبلطجية
وحضرتك بتقول إن ربنا حفظ دعوة الإخوان لمدة 80 سنة عشان الأخلاص والتفانى طيب إن شاء الله ربنا هيخسف بيها الأرض السنادى 2011 وبكرة أفكرك
إنت عارف ليه ؟؟
عشان الحزب الوطنى راح فى داهية وهو اللى كان مديلكم عمر لكن دلوقتى الناس كلها عرفتكم على حقيقتكم ومبجبش سيرتكم أدام أى حد إلا لما يشكر فيكم شكرانية